(ژباړه)

په غزه کې د جګړې په ۳۵مه ورځ، یهودي دولت د غزې ښار منځ کې د روغتون چوک ته څېرمه، چې هلته څلور روغتونونه؛ الرنتسي، النصر، العیون او رواني روغتون دي، خپل ځواکونه او ټانګونه ودرول. ځواکونو یې دغه مرکزونه په داسې حال کې محاصره کړل چې په ځانګړې توګه د اکتوبر له ۷مې راهیسې په ټوله غزه کې د سختې محاصرې له امله په روغتیايي سکتور کې پرېمانه ستونزې راغلې.

سره له دې چې پر روغتیايي تاسیساتو په تېره بیا روغتونونو بریدونه د نړیوالو کنوانسیونونو او قوانینو له مخې منع دي؛ وحشي یهودي دولت په خپل ظلم او خیانت کې له خپل حده تېر شوي او د غزې د روغتونونو چوک یې په نښه کړی. روغتونونو ته د جینیوا څلورم کنوانسیون د ۱۸مې مادې له مخې ځانګړی خوندیتوب ورکړل شوی. د ملکي روغتونونو په نښه کول چې د ټپیانو، ناروغانو، معیوبینو او ښځو درملنه کوي؛ په هیڅ صورت د منلو نه دي. د دغو تاسیساتو باید تل درناوی وشي او خوندي وساتل شي. د دغه کنوانسیون په ۱۹مه ماده کې دا هم راغلي چې "د ملکي روغتونونو خوندیتوب به هیڅ وخت پای نه مومي." روغتیايي کارکوونکي، وسایط، ناروغان او ټپیان ټول د دې خونديتوب تر پوښښ لاندې دي.

یهودي دولت په دغو قوانینو او تړونونو عمل ونه کړ او په ټول کبر او غرور سره یې مات کړل. له دوی څخه همدا تمه وه؛ ځکه چې دا د دوی فرهنګ دی او پر همدې اساس پيژندل کېږي. له ناروغانو او ماشومانو سره يې هيڅ ډول خواخوږي نه کوله. دوی هغه روغتونونه محاصره کړل چې په زرګونو ناروغان، روغتیايي کارکوونکي او بې ځایه شوي خلک – چې ان اوبه او خواړه نه ورته رسېږي- پکې دي. په دې سیمه کې ډیری ښوونځي او د استوګنې ودانۍ هم دي.

دا بې رحمه دولت بېلا بېلې پلمې کوي. دوی ادعا کوی چې د عملیاتو موخه یې د «ترهګرو» او د حماس غورځنګ له منځه وړل دي؛ په داسې حال کې چې دا هسې خبرې دي چې د دغه غورځنګ جنګیالي د غزې د ځینو روغتونونو تونلونه د خپلو مشرانو د اډو په توګه کاروي. ښايي له دې سره غواړي خپل جنایتونه توجې کړي او تر هغو تړونونو لاندې یې راولي چې دوی یې «استثنا» بولي. د دوی قوانین او تړونونه هم سم نه دي؛ ځان له غندنو پرې خلاصولی شي. سره له دې چې د غندنو یا مجازاتو پروا نه لري؛ ځکه د فلسطین د خلکو او ټولو مسلمانانو پر وړاندې جګړه کې یې ټول غرب ملاتړ کوي.

اې اسلامي امته! دا ذلت به تر لکه دوام لري؟ د باطل خلک یو له بل سره مرسته کوي او له اسلام او مسلمانانو سره د مبارزې لپاره سره یو موټی دي او اې د حق خلکو؛ تاسو ولې یو د بل ملاتړ نه کوئ!؟ ملتونه ستاسو پر سر داسې سیالي کوي، لکه څاروي چې د خوړو پر سر سره جنګېږي. د غزې خلک په داسې حال کې له منځه وړل کیږي؛ چې اسلامي امت یې له لرې ننداره کوي. ایا په لوړ اواز دعاوې او اوږدې چغې تر ټولو ستر کار دی چې دوی د غزې د خلکو لپاره کولی شي!؟ غرب له یهودي دولت سره د الوتکو، پوځیانو او تجهیزاتو مرسته کوي؛ نو اسلامي امت ته پکار ده چې غزې ته یوازې ځینې توکي او درمل واستوي!؟ له دوی څخه زموږ ملاتړ باید همداسې وي!؟ ایا بریا ته همداسې رسېږو!؟

په غزه کې د حکومت د رسنیو دفتر د نومبر په ۱۰مه اعلان وکړ چې یهودي دولت د غزې تړانګه کې شاوخوا ۳۲،۰۰۰ ټنه چاودیدونکي توکي او تر ۱۳،۰۰۰ زیات بمونه غورځولي؛ دا په اوسط ډول په هر کیلو متر مربع کې ۸۷ ټنه چاودیدونکي توکي دي. دغه دفتر زیاتوي چې په غزه کې د چاپو او بمباریو له امله تر ۵۰ سلنه ډېر کورونه ویجاړ شوي او ۴۰ زره نور کورونه په بشپړه توګه ویجاړ شوي.

اې د اسلامي امت لښکرو! هغه څه مو نه خپه کوي، چې دا مجرمين یې ستاسو د امت پر بچیانو کوي!؟ دا مو په رګونو کې وینه په جوش نه راولي!؟ نه مو پاروي چې د ژغورنې لپاره یې راووځئ، مرسته ورسره وکړئ او د یهودو دا وحشیانه تیری پر شا وتمبوئ!؟ ایا د دې جرات نه لرئ چې د امت د ماشومانو او ښځو پر وړاندې د روانې ټول‌وژنې مخه ونیسئ!؟

د روغتیا وزارت د اعلان له مخې د غزې په تړانګه کې د یهودو د تېري له پیل راهیسې ۱۸ روغتونونه له خدمتونو وړاندې کولو لوېدلي؛ دوی زیاته کړې چې «یهودي دولت د روغتونونو او طبي کارکوونکو پر وړاندې یو پیچلي جرم ترسره کوي، چې د تیلو او روغتیاي توکو له بنديز څخه پیل شوی او نن دا دي مخامخ په مرمیو او بمباریو روغتونونه په نښه کوي». نو د غزې او فلسطين پر معصومو او ناروغو ماشومانو او خلکو چې داسې حالت روان دی؛ مسلمان حکام چيرې دي!؟ د دوی له مخې نقابونه غورځول شوي؛ دښمن ته د دوی وفاداري او تابعیت او د اړيکو عادي کول په ډاګه شوي. دوی له دښمن سره د خپل امت پر وړاندې ودرېدل او د څوکیو او تختونو په بدل کې یې ځانونه خرڅ کړل. اې اسلامي امته، له دغو خلکو څه تمه لرئ؟ ایا دوی به د الاقصی د ازادولو او د غزې او فلسطین د خلکو د ملاتړ لپاره پوځونه بسیج کړي!؟

اې اسلامي امته: تر څو به چوپ وئ؟ زموږ وروڼه او خویندې تباه کیږي، حکام یې ننداره کوي او لښکرې مو په پوستو کې بندې دي! ایا دا یې وخت نه دی چې تختونه چپه او لښکرې مو بسیج کړئ!؟ اې اسلامي امته: واک ستاسو په لاس کې دی، نو د الله سبحانه وتعالی د دين د ملاتړ لپاره انقلاب رامنځته کړئ او د خاینينو پر ځای صادقان وټاکئ، چې په سمه لار مو روان کړي او د جهالت له تيارو څخه مو را وباسي. د سیکولر پانګوال نظام پر ځای مو د رب د نظام رڼا ته راوباسي چې ستاسو له عقیدې څخه راوتلی.

موږ د حزب التحریرـ مرکزي مطبوعاتي دفتر د ښځو برخه د دغه امت له هر مخلص فرد څخه غوښتنه کوو چې د واک او ځواک پر خاوندانو غږ وکړي چې د دغه جنایتکار دولت له لوري د ترسره شوو ټول‌وژنو د مخنیوي لپاره بیړنی اقدام او کار وکړي؛ د خپل امت له خلکو سره کار وکړي چې د دغه سیکولر نظام جرړي وباسي او د الله سبحانه و تعالی د احکامو له مخې اسلامي ژوند بیا پیل کړي چې الله سبحانه و تعالی د نړۍ لپاره د رحمت په توګه رالیږلي. الله سبحانه وتعالی ژمنه کړې چې د هر هغه چا ملاتړ کوي (نصرت ورکوي) چې د هغه سبحانه وتعالی ملاتړ کوي؛ نو د الله سبحانه وتعالی لپاره دا کار وکړئ.

 [إنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الأَشْهَادُ] [غافر: ۵۱]

ژباړه: «باور ولرئ چې موږ د خپلو پیغمبرانو او مومنانو مرسته هرو مرو د دې دنیا په ژوند کې هم کوو او په هغه ورځ به یې هم وکړو چې کله شاهدان ولاړ وي.»

د حزب التحريرـ مرکزي مطبوعاتي دفتر د ښځو برخه

۱۴۴۵ هـ.ق کال، د ربيع الثاني ۲۹مه

۲۰۲۳م کال، د نومبر ۱۳مه

ژباړن: محمد حامد

که څه هم امت له ډېرو سختیو او کړاوونو سره مخ دی؛ خو نیکمرغي یې هم په همدغو کړاوونو کې نغښتې ده. امت که هر څو په لوګي کې راګیر دی؛ خو دا اور به دښمن او ملاتړي یې لولپه کړي. دا کړاوونه به له منخه ځي او دا هغه شېبه ده چې امت د خپل ذول الجلال رب غوښتنې ته لبیک وایي او هغه سبحانه و تعالی د نصرت (بریا) زیری ورکوي.

[يَنْصُرُ مَنْ يَشَاءُ وَهُوَ الْعَزِيزُ الرَّحِيمُ]

ژباړه: د الله سبحانه وتعالی (په ورکړل شوي نصرت) باندې الله سبحانه وتعالی هغه چاته نصرت ورکوي چې خوښه یې شي او هغه عزیز او رحیم (برلاسی او رحم کونکی دی). [روم:۵]

هغه څه چې د ۲۰۲۳ کال د اکټوبر ۷مه په فلسطین او ځانګړې توګه په ویاړلې غزه کې پیښ شول، د دغه امت د ذاتي خیر، نیکمرغۍ او وړتیا ښکاره نښه ده او یوازې دې ته اړتیا لري چې سم مسیر ته برابر شي.

موږ د یوه امت په توګه همغسې یو، لکه الله سبحانه وتعالی چې فرمایلي دي:

 [وَإِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاتَّقُونِ]

ژباړه: او په حقیقت کې ستاسو امت، یو امت دی او زه ستاسو رب یم، نو له ما څخه وویریږئ (تقوا وکړئ). [مؤمنون:۵۲]

موږ باید د همدغه حقیقت پر اساس چې یو واحد امت یو، دریځ ونیسو. دا خبره په ځانګړې توګه په لبنان کې ډېره مهمه ده؛ نن ورځ دا منل شوې چې هغه کسان چې وسلې یې پورته کړې له لبنان، فلسطین او اسلامي ډلو څخه دي. دغو ډلو پرله پسې اعلان کړی چې د دوی لوری په فلسطین کې له یهودانو سره مبارزه ده او تل د الاقصی د ازادولو شعارونه ورکوی. تل یې ویلي چې دې کار ته ګوته په ماشه او د یو مناسب فرصت په تمه دي؛ نو ایا تر دې بل مناسب فرصت شته؟

په غزه کې د مجاهدينو يوې ډلې چې په لوړ هوډ مقاومت کوي، ستاسو لپاره دروازه پرانيستله او د يهودانو قدرت او وسلې یې داسې وشرمولې، چې خپله يهود هم پرې اعتراف کوي. دغې پیښې د یوې هوډمنې او وفادارې ډلې پر وړاندې د نړۍ د سترو قدرتونو د ملاتړ ترڅنګ د یهودي دولت د درنو وسلو او پرمختللې ټکنالوژۍ ضعف او کمزورتیا په ډاګه کړه!

دا پلمه چې فلسطينيان به په يوازې ځان دا مسووليت ادا کړي؛ د خپلې ناستې (له جګړې څخه د وېرې او بېغيرتۍ) لپاره پلمه ده او دا پلمه چې دولتونه به له خپلو ټولو امکاناتو سره پر موږ راټول شي، د هغو ټينګو ګامونو د نه پورته کولو لپاره پلمه ده چې په راتلونکي کې نه، بلکې همدا اوس يې د پورته کولو وخت دی.

امت راپورته شوی او که چېرې په تاسو کې د دغه حرکت څرک وویني؛ نه یوازې دا چې امت به درسره یو ځای روان شي، بلکې له تاسو به مخکې روان وي. په امت کې د قربانۍ او جهاد داسې لېوالتیا راژوندی شوې، لکه په فلسطیني وروڼو کې یې چې راژوندی ده. د دوی هیلې، احساسات او لیوالتیا مه وژنئ او د دغه طلایي فرصت په اړه د خپل تکلیف په ادا کولو کې سستي مه کوئ!

د فلسطین د خلکو په څېر اسلامي امت هم پوهېږي چې د دغه کار بیه ښایي لوړه وي؛ خو د خپل رب دغه قول لولي:

[وَلَا تَهِنُوا فِي ابْتِغَاءِ الْقَوْمِ إِن تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ وَتَرْجُونَ مِنَ اللَّهِ مَا لَا يَرْجُونَ وَكَانَ اللَّهُ عَلِيمًا حَكِيمًا]

ژباړه: د خپلو دښمنانو په تعقیبولو کې سستي مه کوې، که تاسو له ستونزو سره مخ کیږئ، نو دوی هم له ستونزو سره مخ کیږي، په داسې حال کې چې تاسو له الله څخه د هغه څه هیله لرئ، چې دوی یې قطعا نه لري. الله سبحانه وتعالی پر هر څه پوهیږي او د علم او حکمت څښتن دی. [نسأ: ۱۰۴]

دوی دا لولي، زړونه یې  ډاډه کیږي او د قربانۍ له لارې یې روح ارامیږي.

اې د لبنان او فلسطین خلکو او په لبنان کې وسله والو اسلامي ډلو:

که دا ستاسو د وسلو د کارولو وخت نه وي، نو کله دی؟ خپلې وسلې د بل کوم غوره عمل لپاره ساتئ؟ موږ پر تاسو غږ کوو: که چېرې تاسو نن ورځ پرته له دې چې هغه سیمه ییزې او نړیوالې پرېکړې په پام کې ونیسئ چې تاسو یې له کلونو راهیسې له دغه کاره راګرځولي یئ، حرکت وکړئ، نو امت به ستاسو تر څنګ ودریږي او ستاسو ملاتړ به وکړي. دا هغه وخت دی چې نه یهودي دولت او نه یې نور ملاتړي هېوادونه د امت د دغه حرکت پر وړاندې د کوم اقدام جرات کولی شي.

همدارنګه موږ تاسو ته دا هم وایو چې: که تاسو له یهودو سره جګړې ته راودانګئ، نو له دې لارې په پوځونو کې خپل مخلص وروڼه هڅولی شئ چې له یهودو سره جګړې ته تیار شي. تاسي وليدل چي په مصر، اردن، لبنان، ترکيې، افغانستان او نورو اسلامي هيوادونو کي څه ډول خلک او پوځونه دغې جګړې ته سخت په تمه دي، د دوی لپاره د دغې جګړې اور ته پوکی وکړئ.

[وَلَا تَهِنُوا فِي ابْتِغَاءِ الْقَوْمِ]

ژباړه: د خپلو دښمنانو په تعقیبولو کې سستي مه کوې. [نسأ:۱۰۴]

نن ورځ ستاسو هر ډول ټمبلي او مرستې ته نه رادانګل موږ د دې ویلو ته اړباسي چې ستاسو ټمبلي او سستي دا په ډاګه کوي چې تر کاسې لاندې نيم‌کاسه ده او ستاسو د ځنډ تر شا حتماً خيانت پټ دی! نو راشئ او معادله راوڅرخوئ او خپل امت ته نیکي ښکاره کړئ. دا اوس په تاسو پورې تړلې او یوازې د هغه زړور ګام پورته کولو ته اړتیا لري، چې تاسو یې اخیستلی شئ. تاسو به هغه وخت وګورئ چې دغه اشغالګر دولت څنګه ړنګېږي او ملاتړي یې هغه وخت څنګه تښتي چې د اقصی طوفان د امت پر طوفان بدل شي.

[ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللَّهِ فَتَوَكَّلُوا إِن كُنتُم مُّؤْمِنِينَ]

ژباړه: د دوی د مقابلې لپاره له دې دروازې دننه ورشئ.کله چې تاسو دننه ورسېږئ، نو برلاسي یاست، پر الله توکل وکړئ، که چېرې مؤمنان یاست. [مائده:۲۳]

۱۴۴۵ هـ.ق کال، د ربيع الاول ۲۵مه

۲۰۲۳م کال، د اکټوبر۱۰مه

حزب التحريرـ ولایه لیبنان

حزب التحريرـ ولایه پاکستان لاریونونه وکړل او د فلسطين د ملاتړ لپاره یې د پاکستان له پوځ څخه د سملاسي حرکت غوښتنه وکړه. لکه څنګه چې یو ناروغ پلار د اړتیا پر مهال خپل تر ټولو پیاوړي زوی ته مخ اړوي؛ مسلمانان هم چې تر بريد لاندې راغلل، ټول امت خپل پوځ ته مخ وراړوي. د پاکستان رهبرۍ ته چې اوس څه شی ورپاتې دي، هغه یوازې باطلې او بې اعتباره پلمې دي.

۱. دا پلمه چې باید د حکامو امر ته په تمه شو، باطله ده. نور په تمه کېدو ته اړتیا نشته. د اشغال شویو ځمکو ازادول د الله سبحانه وتعالی حکم دی، چې همدا اوس باید پلی شي. د فلسطین د مسلمانانو مقاومت که څه هم له ویاړه ډک او ستر دی؛ یهودي دولت له منځه نه شي وړلی. دا زموږ د افسرانو مسولیت دی چې د الله سبحانه وتعالی له حکم سره سم د دوی مرسته او ملاتړ وکړي.

 [وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ]

ژباړه: «هو که هغوی د دين په اړه له تاسو د مرستې غوښتنه وکړه، نو د هغوی مرسته پر تاسو فرض ده.» [انفال: ۷۲]

۲. دا پلمه باطله ده چې د حاکم امر د الله سبحانه و تعالی د امر مخه نیولی شي. ښکاره ده چې حکام د فلسطین د ازادولو لپاره زموږ د افسرانو د مخنیوي لپاره هڅې کوي او ګنګوسې خپروي. حکام غواړي چې زموږ پوځونه د مسلمانانو پر وړاندې د دوی ملاتړ وکړي. خو که پوځي افسران د حکامو اطاعت وکړي نو الله سبحانه وتعالی په قهر کوي. که افسران د حکامو نافرماني وکړي او د الله سبحانه وتعالی پیروي وکړي، په دنیا او اخرت کې بریالي کېږي. رسول الله صلی الله علیه وسلم فرمايي: «لَا طَاعَةَ لِمَخْلُوقٍ فِي مَعْصِيَةِ اللهِ» له مخلوق څخه هېڅ داسې طاعت نه دی پکار چې د معصیت سبب شي. (احمد او طبرانی روایت کړی دی).

۳. دا پلمه چې یوازې حکام به سزا وویني، هم باطله ده. د فرعون لښکر ته هم د فرعون په څېر سزا ورکړل شوه. د اشغال شویو خاورو د ازادولو امر یوازې د رهبرۍ لپاره نه، بلکې د ټولو افسرانو لپاره دی. که رهبري د الله سبحانه وتعالی له حکم سره سمه نه وي، باید ګوښه او ځای یې ونيول شي.  نو مه پرېږدئ چې کوم افسر خپل ځان هېر کړي، الله سبحانه وتعالی فرمايي:

 [وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا]

ژباړه «او وبه وايي: «اې زموږ ربه! موږ د خپلو سردارانو او مشرانو پيروي وکړه او هغوی موږ له سمې لارې څخه بې لارې کړو» [احزاب: ۶۷]

اې د پاکستان وسله والو ځواکونو کې د صلاح الدین زامنو! امت له یوه تاریخي تحول څخه د تېرېدو په حال کې دی، نو ورسره ودریږئ. همدا وخت دی چې د ګناه او غفلت پر ځای په توبه، اطاعت او د الله سبحانه وتعالی په لاره کې جهاد وکړئ. د حزب التحریر د امیر، شیخ عطا بن خلیل ابو الرشته تر مشرۍ لاندې له حزب التحرير سره لاسونه یو کړئ او پر مخ لاړ شئ. مخ پر وړاندې لاړ شئ او د مسجد الاقصی په انګړ کې د فتحې تکبیرونه پورته کړئ. الله سبحانه وتعالی فرمايي:

[سُبْحَانَ الَّذِي أَسْرَى بِعَبْدِهِ لَيْلاً مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حوله]

ژباړه: «هغه ذات پاک دی چې یوه شپه یې خپل بنده له مسجدالحرام څخه تر مسجد الاقصی پورې چې د هغه شاوخوا یې برکتي کړه، یووړ.» [اسرا: ۱]

د حزب التحريرـ ولایه پاکستان مطبوعاتي دفتر

۱۴۴۵ هـ.ق کال، د ربيع الاول ۲۹مه

۲۰۲۳م کال، د اکټوبر ۱۴مه

ژباړن: فریدون محتاط