د امريکا جمهور رییس د پاکستان د لومړي وزیر عمران خان سره د ليدنې کتنې پر مهال ويلي: «که موږ غوښتلی چې په افغانستان کې جګړه وکړو او په هغې کې بريالي شو، کولای مو شول په يوه اونۍ کې دغه جګړه وګټو، مګر زه نه غواړم ۱۰ ميليونه انسانان ووژنم. افغانستان د ځمکې له مخ څخه پاک کېدای شي. زه نه غواړم پر دغه لاره لاړ شم.»

د حزب التحریر ـ ولایه افغانستان مطبوعاتی دفتر د امريکا د جمهور رییس دغه خبرې د امکان تر پولې په سختو ټکو غندي او هغه د ټول بشريت په ځانګړي توګه د افغانستان د مجاهد او شریف ولس لپاره سپکاوی ګڼي. سره له دې چې موږ د امريکا او ناټو وحشت او ترور په ورځني ډول په افغانستان کې تجربه کوو او د غرب د رهبرانو په دروغ ويلو هم بشپړ پوهېږو، مګر د دغه عصر د دجال دغه خبرې د غربي ښکېلاکګرو څېره چې د انسان دوستۍ د الفاظو، د ډموکراسۍ د دروغجنو ارزښتونو او بشري مرستو تر شا پټه شوې وه، زموږ د خاورې د هغو ړوند اندو لپاره يو ځل بيا بربنډه کړه چې همېشه له هغوی څخه د خير او نېکمرغۍ د ترلاسه کولو تمه کوي. همداراز د ټرمپ دغه څرګندونې د مسلمانانو پر وړاندې د غربي رهبرانو له خبيثو نيتونو څخه پرده پورته کوي، چې له يوې مخې له مسلمانانو سره په بغض، دښمنۍ او کرکې ولاړ دي.

ټرمپ دوه مهم واقعيتونه هېر کړي دي:

لومړی: امریکایي رهبران باید د دغه مجاهد روزونکې خاورې تاريخ ته يو ځل کتنه وکړي او په دغه خاوره کې د ماتې خوړلو قدرتونو له برخليک څخه د عبرت درس واخلي، چې له امله يې دغه خاوره په تاریخ کې د «امپراطوريو په هديره» مشهوره شوې ده. دا يرغلګر ابر ځواکونه وو چې پر دغه خاوره باندې له يرغل وروسته يې نومونه د ژوندانه له پاڼې ورک شوي دي.

دويم: امريکايي رهبران د فرعون په څېر د تکبر او ځان لوړ ګڼلو ښکار شوي دي، چې د خپلو کثیفو چلندونو، ويناوو او سياستونو په واسطه د نړۍ خلک توهينوي. حال دا چې د امريکا خپل اوسنی واقعيت يې هېر کړی، چې د خپل تاريخ په تر ټولو ناوريني شېبو کې شپې تېروي او هره شېبه له داخله د هغې د وېش او نړېدو وېره شتون لري. امريکا د تېر اتلس کلن اشغال په اوږدو کې عملا په افغانستان کې ماتې خوړلې او د هغې ټولې سياسي او نظامي ستراتيژۍ له ناکامۍ سره مخ شوې دي. له همدې امله امريکا له طالبانو سره د سولې خبرې اترې پيل کړې دي، ترڅو د افغانستان له کړکېچ څخه د آبرومندانه وتلو لپاره حللاره ومومي. له دې امله يې لاس د پاکستان لمنې ته وراوږد کړی او د دغه هېواد خاينو رهبرانو هم د امريکا مرستې ته وردانګلي او پر طالبانو باندې د فشار راوړلو له لارې د امريکا د ماتې د مخنيوي په موخه خپل خاينانه رول لوبوي.

همدا چې يو ابر ځواک له داسې وسله والې ډلې سره د خبرو اترو مېز ته ناست دی چې يو وخت يې هغې ته د «تروريست» خطاب کاوه، په حقيقت کې د هماغه ځواک ضعف او ماتې نندارې ته وړاندې کوي. له شک پرته که له امريکا سره د اسلامي خاورو د چارواکو خاينانه مرسته، له هغې څخه وېره او د دوی بې غيرتي نه وای، امريکايي رهبرانو د دا ډول غير مسوولانه ويناوو جرئت نه درلود. غرب د دغو چارواکو په غاړه کې د غلامۍ رسۍ اچولې او ورځ تر بلې يې کړۍ ورباندې تنګوي، مګر دغه بې غيرته چارواکي له غرب څخه د نفرت پر ځای، ورته لازياته وفاداري ښيي.

نو تر هغه چې دويم راشده خلافت تاسيس نه شي او غيرتمن او عزتمن چارواکي د مسلمانانو رهبري پر غاړه وانخلي، غربي چارواکي به په اسلامي خاورو کې همدا ډول سرغړونو، متکبرانه څرګندونو او بې عقلانه سياستونو ته دوام ورکوي. د نبوت پر منهج راشده خلافت چې په نژدې راتلونکې کې قايمېږي، دغو فرعونيانو ته به داسې غاښ ماتوونکی ځواب ورکړي چې نه يوازې د بې ادبانه ويناوو جرئت به له لاسه ورکړي، بلکې د هغوی واکمني به له اسلامي خاورو څخه لېرې او له بين المللي ډګر څخه به يې شته هژموني هم له منځه يوسي.

﴿يَا أَيُّهَا الَّذِينَ آمَنُوا لَا تَتَّخِذُوا بِطَانَةً مِّن دُونِكُمْ لَا يَأْلُونَكُمْ خَبَالًا وَدُّوا مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ﴾ [آل عمران: ۱۱۸]

اې هغو کسانو چې ايمان مو راوړی! له خپلو پرته بل څوک د رازونو محرم مه ټاکئ! هغوی ستاسو په اړه له هرراز شر او فساد څخه مخ نه اړوي. هغوی غواړي ترڅو تاسو په ستونزو او زحمت کې وئ. د دښمنۍ «نښې» يې له خولو «په خبرو» کې ښکاره شوې دي؛ او هغه څه چې په زړونو کې پټ ساتي، تر هغو هم ستر دي.

د حزب‌التحریر - ولایه افغانستان مطبوعاتي دفتر

(ژباړه)

د ۲۰۱۹م کال د جولای په لومړۍ د شپې مهال ۱۰ بجې د تحرير الشام امنیتي سازمان د حزب التحریر د یوه غړي پر کور چې په خربت الجوز کلي کې یې کرایه کړی و، یرغل وکړ. په دغه کور کې یې د حزب التحریر څلور غړي ونیول او ټولې شتمنۍ یې له ځان سره یووړې. وروسته بیا د ألاسترا په کلي کې د حزب التحریر راډیو سټېشن ته لاړل او د هغه ټول تجهیزات او محتویات یې له ځان سره واخیستل. راتلونکې ورځ یې په سلقین کې هم خپلو عملیاتو ته دوام ورکړ، څو د حزب التحریر ۷ نور غړي هم ونیسي.

دا لومړی ځل نه دی چې د تحریر الشام امنیتي سازمان د حزب التحریر غړي نیسي. مخکې یې هم د حزب التحریر غړي یوازې په دې ګناه نیولي وو، چې د دوی له مشرانو څخه غوښتي وو، څو د نورو له ملاتړ څخه ځانونه خلاص کړي او هغه سرې کرښې له منځه یوسي چې له ازادو سیمو څخه یې کمربند تاو کړی او په زندان یې بدلې کړې دي. د تحریر الشام امنیتي سازمان پخوا هم شخصي شتمنۍ چور کړې وې، چې هغه مهال یې د کفراوید په کلي کې د حزب التحریر راډیو شتمني له ځان سره وړې وه.

اې د دار الاسلام استوګنځي (شام) مسلمانانو!

د شام انقلاب د بې عدالتۍ او ظلم پر وړاند راپورته شو او په همدې موخه یې ارزښتناکې سرښندنې وکړې. دغه حالت دوام وکړ، څو بېرته خپل غصب شوی ځواک لاسته راوړي او د غلامۍ تپل شوی ځنځير وشلوي. په دې کې هېڅ شک نشته چې موږ تر هغه جبریه حکومت لاندې یو، چې پیغمبر صلی الله علیه وسلم یې په اړه خبرداری راکړی و. د واکمنو ذهنیتونه داسې دي لکه دا هېواد چې د دوی کرونده وي او خلک یې غلامان او هېڅوک حق نه لري چې حقیقت ووایي، پرته له دې چې د هغو ډلو ګټې پکې خوندي وي.

د خبرې پر وړاندې ظلم او شکنجه کول او د امربالمعروف او نهی عن المنکر مخه نیول، تل د هغو کسانو لاره او عادت دی چې استدلال نشي کولی. په همدې اړه له قرآن کریم څخه د فرعون هغو خبرو ته اشاره کوو، چې د خبرو پر وړاندې یې استدلال نشوی کولی:

﴿قَالَ لَئِنِ اتَّخَذْتَ إِلَهاً غَيْرِي لَأَجْعَلَنَّكَ مِنَ الْمَسْجُونِينَ﴾

[الشعرأ: ۲۹]

ژباړه: فرعون وویل: که چېرې دې له ما پرته بل معبود ومانه، نو تا به هم د نورو خلکو په څېر د تل لپاره زنداني کړم.

د مفکورې پر وړاندې یوازې مفکوره درېدای شي. جهاد مخامخ کېږي او د خلکو د کورونو د چورولو، د شتمنیو د لوټلو او په امنیتي پوستو او زندانونو کې تر شکنجو لاندې د خلکو د وژلو په مانا نه دی.

اې د شام د سپېڅلې خاورې مسلمانانو: حزب التحریر د ورځې په څېر روښانه دی او مسلمانان خپلو تعریف کړو موخو ته په ازاد ډول رابولي. اساسي موخه یې د نبوت پر تګلاره د راشده خلافت په تأسیس سره اسلامي ژوند کولو ته د لارې هوارول دي. د دوی تګلاره چې غواړي خپلې موخې ته پرې ورسېږي، ښکاره او څرګنده ده. نوموړې تګلاره د پیغمبر صلی الله علیه وسلم له تګلارې څخه اخیستل شوې، چې د اسلام ضد افکارو پر وړاندې فکري مبارزه کوي. د دې ترڅنګ د اسلام ضد ټولو سیستمونو پر وړاندې سیاسي مبارزه کوي او هغه دسیسې بربنډوي چې د اسلام د بېرته راګرځېدو په لاره کې خنډونه جوړوي. له متنفذینو او قدرت خاوندانو څخه د نصرت غوښتنه کوي، ځکه د اسلامي دولت تاسیس په دغه تګلاره باوري او ملاتړو متنفذینو او د قدرت خاوندانو ته اړتیا لري.

حزب التحریر له پیله په همدې لاره روان دی او د رسول الله صلی الله علیه وسلم پر پله پل ږي، نو له همدې امله مستقیمه لار ورته وایو. د حزب التحریر شباب ټولو ته ښه معلوم دي، ستاسو زامن او وروڼه دي او ښه یې پېژنئ؛ دوی پټ نه دي او نه هم نقاب لري. ټول باید په دې پوه شي چې موږ هغه حزب نه یو، چې د نورو د ګټو لپاره به جنګېږو، بلکې موږ یوازې د خلافت مدافیعن یو او له ټولو مسلمانانو غواړو چې د دغه دعوت په لېږد کې له موږ سره مرسته وکړي، ځکه له دې پرته د بریا او خلاصون بله هېڅ لار نشته. د حزب التحریر تګلاره دا نه ده چې د هغو اسلامي ګوندونو او ډلو پر وړاندې مبارزه وکړي، چې د دوی د فکر مخالف دي؛ بلکې زموږ کار د ظالم او له ماانزل الله پرته حاکمیت پر ځای د نبوت په تګلاره د اسلامي خلافت تاسیس دی. لکه څنګه چې پیغمبر صلی الله علیه وسلم یې له وړاندې زېری راکړی دی:

«...ثُمَّ تَكُونُ مُلْكاً جَبْرِيّاً، فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ، ثمَّ سَكَتَ»

ژباړه:... بیا به ظالم حکومتونه راځي او حالات به د الله سبحانه وتعالی له خوښې سره سم دوام مومي. وروسته که الله سبحانه وتعالی وغواړي دا حالت به پای ته ورسوي او وروسته به د نبوت له تګلارې سره سم بېرته خلافت راشي؛ ورپسې چوپ شو.

د دې مانا دا نه ده، چې موږ د یوه ظالم عمل پر وړاندې په دې پلمه چوپ پاتې شو، چې یوې اسلامي ډلې کړی. دا ډول ناوړه کړنې باید بربنډې شي، پرته له دې چې چا کړې او د څه لپاره یې کړې دي. موږ په دغه لاره کې د الله سبحانه وتعالی لپاره د هېڅ ملامتګر او ظالم له ملامتیا او ظلم څخه نه وېرېږو. د نړۍ له ټولو ظالمو چارواکو په ځانګړې توګه د سوریې، لېبیا او ازبکستان له ظالمو چارواکو څخه پند واخلئ... دوی ټول هلاک شول. حزب په ډېر زغم او حوصلې سره د الله سبحانه وتعالی د رضا او له هغه څخه د بدلې اخیستلو په تمه خپل کار ته دوام ورکوي. د الله سبحانه و تعالی په ژمنې او د پیغمبر صلی الله علیه و سلام په زېري سره یې ایماني قوت په وار وار تازه کېږي، څو دغه ظالم او جبریه حکومتونه ختم او یو ځل بیا اسلامي خلافت تاسیس کړي. څوک چې په دغې لاره کې کار کوي، ملاتړ یې وکړئ او له هغه څوک مه کېږئ، چې د دوی پر وړاندې د درېدو هڅه او پر مدافعینو یې ظلم کوي، ځکه بې عدالتي به د قیامت پر ورځ د تورې تیارې په څېر ښکاري.

د حزب التحریر- ولایه سوریه مطبوعاتي دفتر