د کشمير خلک د اسلامي امت یوه نه بېلېدونکې برخه ده، کشمير د هند داخلي موضوع نه ده د خلافت د بیا تاسیس لپاره زموږ له هلو ځلو سره یو ځای شئ چې کشمير د مشرک هند له ښکېلاک خلاص کړو
- خپور شوی په بنګله دېش
حزب التحریر/ ولایه بنګله دېش نن جمعه چې د ۲۳/۰۸/۲۰۱۹ نېټې سره سمون لري د جمعې تر جماعت وروسته د ډاکې او چيتا ګنګ د ښارونو په بېلا بېلو جوماتونو کې د حسینې رژیم پر وړاندې چې ادعا کوي چې ګواکي کشمير د هند داخلي موضوع ده، لاریونونو ته راووتل. رژیم هڅه کوي د کشمير د مسلمانانو لپاره چې کوم لاریونونه ترسره کېږي خلک ترې راوګرځوي. د لاریون کوونکو ویناوال د کشمیر د مسلمانانو بېچارګي او مصیبت بیانوي. خاین مسلمان سیاستوال، چې د هند د مشرک دولت او د غربي ښکېلاک اجيران دي د هند په دغو کړنو باندې خپل غوږونه کاڼه اچولي دي. هند غواړي یوه امپریاليسټي طرحه پلې کړې او ټول کشمير تر خپل ښکېلاک لاندې راولي او په دې نیمه وچه کې غواړي بل فلسطین جوړ کړي. د کشمیر د ازادۍ په اړه د هند د اساسي قانون د ۳۷۰ مادې په لغوه کولو سره قصاب مودي کشمیر د مرګ پر یوه دره اړولی دی. د هند حکومت د لویو نظامي ځواکونو د ځای پر ځای کولو، پر تګ راتګ باندې د بنديزونو لګولو، د ټيلفون او انټرنيټ د لین په غوڅولو سره په ښکېلاک شوي کشمیر کې مسلمانان تر سختو شکنجو لاندې دي.
ظالم هندي ځواکونه د ډله ییزو نيولو لپاره کور په کور یرغل کوي، د خلکو په راټولېدلو باندې ډزې کوي او ټپي خلک د درملنې لپاره د نیولو له وېرې بيخي روغتونونو ته نه شي تللای. بل پلو، موږ وينو چې د حسینې ټګ رژيم د دې پر ځای چې زموږ نظامي ځواکونه د هند له یرغل څخه د کشمير د خلاصون په موخه د مسلمانانو د ملاتړ لپاره هلته واستوي، په بنګله دېش کې د هند د بهرنیو چارو وزیر په مېلمه پاللو سره د کشمير په مسلمانانو باندې ملنډې وهي. د حسینې رژيم مسلمانان په دې خبرې سره چې کشمير د هند «داخلي موضوع ده» تېر باسي، څو خپل امپریاليسټ مشرک کافر واکمنان خوشاله کړي.
سربېره پر دې، دوی د بنګله دېش خلک وېرولي چې د هند پر وړاندې د کشمير د مسلمانانو لپاره خپله غوسه څرګنده نه کړي او لارو کوڅو ته له راوتلو ډډه وکړي. دغه ټګ مار رژیم په ډېرې سپين سترګۍ سره د الله تعالی له امر سرغړونه کوي: (...وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ...) «...که هغوی د دین په اړه له تاسو مرسته وغواړي، نو د هغوی مرسته کول پر تاسو فرض دي...» [الانفال ۸:۷۲].
د لاریون کوونکو ویناوالو همدا راز ویلي: اې مسلمانانو! د کشمير خلک د اسلامي امت یوه نه بېلېدونکې برخه ده، کشمير مازې د هند داخلي موضوع نه ده. رسول صل الله علیه وسلم فرمایلي،
«مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى»
«د مومنانو کیسه په غم، درد، زړه سوي او خواخوږۍ کې د یو بل لپاره لکه د یو بدن په څېر ده. کله چې کوم غړی په درد شي، ټول بدن یې نارام او بې خوبه وي.» [صحیح المسلم]. د کشمير، فلسطین، میانمار او د نړۍ له هر ګوټ څخه د مسلمانانو درد د ټول امت درد دی. د ایمان له مخې دا زموږ مسولیت دی چې په ټوله نړۍ کې د کشميري مسلمانانو تر څنګ د نورو مظلومو مسلمانانو ستونزو ته د حل لار ومومو.
د کشمير دا ډول برخلیک په حقیقت کې د امت د رښتیني او پاکې مشرۍ(خلافت) د نشتوالي له امله دی. کشمير تل د هند تر ښکېلاک لاندې و او اوس د ۳۷۰ مادې د فسخه کولو له امله باید بې دفاع پاتې نه شي، په داسې حال کې چې د دې پرځېدل هغه ورځ پیل شول چې امپریالیسټ دښمنانو زموږ د واکمنانو په مرسته د ۱۹۲۴ هجري قمري کال د مارچ په ۳مه خلافت نسکور کړ، موږ یې له ۵۰ په ډېرو ملي دولتونو ووېشلو او موږ یې دې ته اړ کړو، چې د دوی اجیران د واکمنانو په توګه ومنو او کفري بشري نظام ته غاړه کېږدو. موږ د دښمن پر وړاندې ناتوان او بې ډاله شوو. وروسته دوی زموږ ځمکې لکه وحشي ځناور چې ښکار کوي غصب کړې، د دوی تيري او یرغل په نړۍ کې د کشمير په شمول ټولې اسلامي خاورې لاندې کړې.
ویناوالو همدا راز وویل: اې مسلمانانو! ملګري ملتونه او OCI هېڅ شی نه، یوازې امپریالیسټي ابزار دي. دوی نه شي کولای زموږ ستونزې هوارې کړي. یوازې ژر راتلونکی راشده خلافت کولای شي کشمير او ټولو هغو خاورو ته چې هلته مسلمانان تر ظلم لاندې دي خپل نظامي ځواکونه واستوي. ثوبان روایت کړی چې رسول الله صلی الله علیه وسلم فرمايي:
«عِصَابَتَانِ مِنْ أُمَّتِي أَحْرَزَهُمَا اللَّهُ مِنْ النَّارِ عِصَابَةٌ تَغْزُو الْهِنْدَ وَعِصَابَةٌ تَكُونُ مَعَ عِيسَى ابْنِ مَرْيَمَ عَلَيْهِمَا السَّلَام»
«الله تعالی زما د امت دوې ډلې د دوزخ له اور څخه ژغورلې دي: یوه ډله چې هند ونیسي او بله ډله چې له عیسی ابن مریم سره وي.» [احمد او النسا]
په پای کې ویناوالو پر خلکو غږ وکړ چې د حزب التحریر غوښتنې ته چې له تاسو څخه غواړي چې د خلافت په تاسیس کې مرسته وکړئ، څو کشمیر له مشرک هند څخه ازادی شي هو ووایاست. موږ له دغه اجیر او ډران رژيم څخه څه تمه کولای شو چې په خپلو خاورو کې پر مسلمانانو ظلم کوي او له خپلو امپریالېستو واکمنانو سره اوږه په اوږه کار کوي چې د مشرک هند سيمه ییز واک ټينګ کړي؟ اوس یې ښه وخت دی چې د حسینې رژیم چې په اصل کې د مشرک هند یو مزدور رژیم دی له منځه یوسو او د مسلمانانو ډال (پیاوړی خلافت) بېرته راوګرځوو؛ هغه خلافت چې کولای شي د کشمير، فلسطین او راخین په شمول په نړۍ کې ټول مظلوم مسلمانان په واقعي توګه ازاد کړي.
رسول صل الله علیه وسلم فرمایلي:
[صحیح المسلم]. «وَإِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
ژباړه: «اما [خلیفه] هغه ډال دی چې تر شا یې جګړه کېږي او پر هغه باندې ځان ساتل کېږي.
په ولایه بنګله دېش کې د حزب التحریر مطبوعاتي دفتر
