خبر:

بي بي سي د جنوري په ۲۰مه یو خبر خپور کړ، په هغه خبر کې راغلي و، چې د نړۍ ۱/۳ هغه بېوزله نجونې ښوونځیو ته له تلو بې برخې دي، چې عمرونه یې له ۱۰-۱۸ کلونو تر منځ دي. د یونیسف د راپور له مخې فقر او تبعیض د میلیونونو ځوانو ښځو او نجونو د بې سواده کېدو لامل شوي دي، چې ډېره برخه یې د افریقا په وادي کې بېوزلې کورنۍ جوړوي. یونیسف په خپل راپور کې خبرداری ورکړی، چې په ټوله کې د نړۍ بېوزله ماشومان ښوونځیو ته لاسرسی نه لري. په نړۍ کې له پنځو کورنو څخه د دریو کورنو نجونې یې ښوونځیو ته هېڅکله هم نه دي تللې. دا د تعلیم یو ناوړه حالت دی، چې د ښوونې او روزنې د بودیجې سره یوازې د شتمنو خلکو ماشومانو ته د تعلیم برابرېږي.

تبصره:

دا نوې څېړنې هغه اصلي واقعیت په ډاګه کوي، چې په غرب کې د ښځو او نجونو ارزښت (د ښځې او نر برابري) تش په نامه د سیاسي موخو د لاسته راوړلو لپاره کارېږي. د افریقایي دولتونه د بیلیونه ډالرو توان لري، ترڅو د دغه ملت شتمنۍ راوباسي او ګټه ترې واخلي. په سیمه کې له نړیوال پلان څخه ښکاري، چې دلته بهرنۍ کړۍ فعالې دي، چې په سیمه کې له جګړو څخه ګټه اخلي. بل عامل د کار کمه تنخوا ده، چې بهرنۍ کمپنۍ په ټیټه تنخوا کارکوونکي استخداموي، ترڅو خپل تولید بازار ته په ډېره ګټه وړاندې کړي، چې دا هم د ښځو او نجونو د سواد په کیفیت منفي اغېز کوي.

د بریتانیا د بهرنیو چارو وزیر بورېس جانسن وایي، چې اسلام د ښځو د پرمختګ لپاره یو خنډ دی. په هغه هېوادونو کې چې فقر او کورنۍ جګړې دي، زیات شمېر خلک يې د راډيکال کېدلو غوښتنه کوي او د ښځو او نجونو د بې سوادۍ اصلي علت د دوی د تعلیم پروسه ده. نوموړي د کپیټلېزم د رسوایۍ له امله ونه شو کولی، چې له استعماري او نشنلیستي ارزښتونو څخه یادونه وکړي، ځکه دا په نړۍ کې د اوسنیو دولتونو یو فساد دی، چې غواړي د اړو خلکو له ژوند څخه شتمنو خلکو په ګټه کار واخلي. هغه چارواکي چې غرب په اسلامي خاورو کې ټاکلي، خپل جیبونه یې د ملتونو شتمنیو ته پرانیستي دي او د هېوادونو پر سقوط او ناورینونو باندې یې سترګې پټې کړي دي. هغه سیمه چې په راپور کې یې په اړه خبرې وشوې، یو وخت په نړۍ کې د فعال پوهنتون، تعلیمي او څېړنیز مرکز او فکري پرمختګ لپاره یوه غوره بېلګه وه. توپیر یې یوازې دا دی، چې هغه مهال د یوې ثابتې او باوري رهبرۍ له خوا اداره کېده، چې د خلکو چارې به یې له قران او سنتو سره سمې سرته رسولې. خلافت به هېڅکله د خلکو د بې سوادۍ او تعلیم بې پروایي ونه کړي. جنسیت د الله سبحانه وتعالی پر وړاندې تفاوت نه لري او د علم زده کړه یې پر هر مسلمان نر او ښځه باندې فرض کړې ده.

﴿قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُوْلُوا الْأَلْبَاب﴾

[الزمر:۹]

ژباړه: ووایه چې ایا پوه خلک له ناپوه خلکو سره برابر دي؟ نه، یوازې هوښیاران د یو شي توپیر له بل سره کولی

د رسول الله صلی الله علیه وسلم ښځه بي بي عایشه رضی الله عنها باید د ښځو د تعلیم لپاره استاده او الګو وي. خلکو به په سلګونو میله سفر کاوه، ترڅو د هغه له حافظې څخه د رسول الله صلی الله علیه وسلم یو حدیث شریف زده کړي.

نو یو څوک به څه ډول ووایي، چې خلافت د ښځو لپاره ستونزې زیږوي؟ په حقیقت کې اوسني غلام نظامونه هېڅکله په نړیواله کچه د ښځو ستونزې حلولی نه شي.

د مسلمانو ښځو ستونزې به هغه مهال حل شي، چې د الله سبحانه وتعالی قانون پر مسلمانانو باندې حاکم شي او د اسلام خپلواک سیاسي نظام (خلافت) تاسیس شي. موږ به الله سبحانه وتعالی ته دعا کوو، ترڅو دغه وخت زر راولي او موږ یې په خپلو سترګو ووینو.

د حزب التحریر مرکزي مطبوعاتي دفتر ته

لیکوال: عمران محمد

خبر:                                                                                               

د فبروي په ۳مه د امریکا د بهرنیو چارو وزیر د «C5 + 1» غوندې په څنګ کې د مرکزي اسیا د بهرنیو چارو له وزیرانو سره وکتل. د ازبکستان د بهرنیو چارو وزارت پر خپله وېبپاڼه د «C5 + 1» د وزیرانو د ناستې په اړه یوه ګډه بیانیه خپره کړه. په دغه بیانیه کې په ځانګړي ډول راغلي وو:

«د سیمه‌ییزو فعالیتونو اوسنی پرمختګ د «C5 + 1» ارزښت او اړیکه ښیي، دا د دې سبب کېږي چې کډونکوونکي یې په خپلو کې د مرکزي اسیا د امنیت، هوساینې او پرمختګ د باوري کولو په اړه خبرې اترې او عملي کار وکړي.

امریکا متحده ایالات د دغې سیمې له هېوادونو څخه د خپلواکۍ، ځمکنۍ بشپړتیا او د دوی د حاکمیت له حق څخه خپل ملاتړ ته دوام ورکوي او همداراز دې ته ژمن دي چې د ګډو ګټو په هره برخه کې سیمه‌ییزې همکارۍ وکړي.

د دې لپاره چې مرکزي اسیا یې له خپل ټول پوتانشیل څخه ګټه واخلي، د دغې غونډې ګډونوال د همکاریو په پرمختګ کې خپله ټوله هڅه کوي...»

تبصره:

د امریکا پالیسي د پانګوالۍ د بې دینۍ پر نظام ولاړه ده، کار یې د نورو هېوادونو استعمار دی. هېڅ داسې هېواد نشته چې د امریکا له پالیسۍ سره په مخ کېدو کې بریالی شوي وي؛ برعکس، په پورونو کې غرق شوی او همداراز د اقتصادي، سیاسي او ټولنیزو ناورینونو په ګډون له ګڼ شمېر نورو ناورینونو سره مخ شوي دي. په تېره پېړۍ کې امریکا د نړۍ په بېلابېلو لویو وچو کې په څه باندې ۴۰ جګړو کې ګډون کړی. وروستۍ یې په افغانستان، عراق، لیبیا، سوریه، هایتي، سومالیا او یمن کې پوځي جګړې دي.

ښکاره ده چې امریکا د مرکزي اسیا لپاره پلان لري. دا پلان د یوه بل پلان -چې منځنی ختیځ ورته وايي- برخه ده. موږ وینو چې د امریکا متحده ایالاتو په اسلامي امت کې د دوی د غلامانو، دیکتاتورانو او نورو خاینانو په واسطه په «منځني ختیځ» کې ډېرې بریاوې ترلاسه کړې او پر ځان په ډېر باور سره دلته حکومت کوي. امریکا اوس غواړي چې همداسې پر مرکزي اسیا هم نفوذ ولري او په هغه څه پورې یې وتړي چې دوی «لوی منځنی ختیځ» ورته وایي او په دې توګه به د دغه سیمې طبعي سرچیني لوټ کړي، دا د استعمارګرو کار دی.

د مرکزي اسیا پر حکامو روسیه نفوذ لري؛ خو روسیه اوس داسې نه ده لکه د شوروي اتحاد پر وخت چې وه، هغه وخت چې د دوی کمیونېستي ایډیالوژي حاکمه وه او له امریکا سره یې ځان وهلی شوی. نن ورځ روسیه د چټک تنزل په حال کې ده او په یوه فرعي دستګاه بدلېږي. پوتین غواړي خپل زور وښيي، هڅه کوي چې د نړۍ په سیاست کې وي؛ خو ایډیالوژيکي شا‌تګ یې نه پرېږدي او هغه اوسپنیزې مټې مرسته نه شي ورسره کولی.

همداسې د مرکزي اسیا حکام هم له سیاسي او ایډیالوژیکي اړخه شاته پاتې دي، د خپلې خامۍ له وجې فکر کوي چې امریکا به هم له دوی سره یو شان اړیکې ولري او دوی ته به د خپلواکو دولتونو په سترګه وګوري. په حقیقت کې به له دوی سره هم هغه څه کېږي چې تر اوسه کېدل. لومړی به پورونه ورکړي، لویې پانګونې به ورسره وکړي، پوهېږي چې فاسد چارواکي به دا پیسې چور کړي او هغه وخت به امریکا خپل پورونه غواړي. د مرکزي اسیا دیکتاتوران به د دغو پورونو د ورکړې وړتیا نه لري او له مجبورۍ به خپلې طبعي سرچینې د ناڅيزه پیسو په بدل کې ورکوي او داسې سیاسي پرېکړو کولو ته به اړ شي چې د امریکا پکې ګټه وي.

د مرکزي اسیا دغه مفسد حکام هغو سپیانو ته ورته دي، چې په غاړه کې یې پړی اچول شوی وي. د پړي سر چې هر څوک ونیسي په همغه پسې ځي. دوی د الله سبحانه وتعالی له دښمنانو سره په یوه کتار کې د اسلام او مسلمانانو پر وړاندې درېږي! د خپلو خلکو د وضعیت غم نشته ورسره، یوازې د خپلو پیسو او قدرت په غم کې دي. د خپلو بادارانو- د ختیځ او لوېدیځ بې دینان- لپاره، د ترهګرۍ او سختدریځۍ پر وړاندې د مبارزې په نامه مسلمانان زنداني کوي، له خپل دین څخه یې منعه کوي او نه پرېږدي چې اسلام یو ځل بیا ژوند ته راشي.

اې مسلمانانو! دغه فاسد او بېکاره دولت یوازې موږ بدلولی شو. الله سبحانه وتعالی په خپل پاک کتاب کې فرمایي:

﴿إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ﴾

[رعد:۱۱]

ژباړه: حقیقت دا دی چې الله سبحانه وتعالی د هېڅ قوم حالت نه بدلوي، تر هغه چې دوی خپل اوصاف په خپله نه وي بدل کړي.

له دغو فاسدو حکامو لاس واخلئ! د هغه چا خبرې ته غوږ مه نیسئ چې خپل اخر یې په دنیا ورکړی وي، هغه بدبخته عالمان چې د خپلو دیکتاتورانو د خوښۍ لپاره فتواوې ورکوي! رښتینی بدلون راولئ! د ژوند او دین د بېلوالي فکر لرې کړئ! موږ مسلمانان یو، پر خدای باور لرو، دین مو اسلام دی او اسلام د بشر د ژوند، ټولنې او دولت لپاره نظام لري! له حزب التحریر سره په ګډه، ژوند ته د اسلام د بیا راوستو لپاره کار وکړئ! د نبوت پر تګلاره راشده خلافت د بیا تاسیس لپاره له کار کوونکو سره یو ځای شئ! انشاالله چې خدای به نصرت راکړي!

د حزب التحریر مرکزي مطبوعاتي دفتر ته

ایلدر خمزین

د حزب التحریر مرکزي مطبوعاتي دفتر غړی

د سوډان انتقالي دولت د کرونا ویروس په خاطر د چین له ووهان ښار څخه د خپلو خلکو را ایستل ځنډوي. په داسې حال کې چې د یادو خلکو کورنیو له چین څخه د خپلو خپلوانو د راغوښتلو په موخه د ۲۰۲۰ م کال د فبروري په ۱۹ مه اعتراضیه لاریون وکړ. دوی په پلازمېنه خرطوم کې د ولسمشرۍ ماڼۍ مخې ته راټول شوي وو. دا په سوډان کې درېیم اعتراضیه لاریون دی، چې په چېن کې د سوډانیانو د ژوند د خوندیتوب په موخه ترسره کیږي.

له چین څخه د سوډاني وګړو په رایستلو کې ځنډ د انتقالي دولت کمزوري په ډاګه کوي. دغه سوډانیان په چین کې له دردوونکي حالت سره مخ دي او حتا د ژوند لومړنیو اړتیاوو، یعنې غذا او اوبو ته لاسرسی نه لري. دوی څو ځلې د رسنیو له لارې غوښتنه کړې چې زر تر زره سوډان ته ولېږل شي، خو دولت په دې اړه تر اوسه کوم اقدام نه دی کړی. د دولت دغه چوپتیا په حقیقت کې د دغو خلکو پر وړاندې له خیانت پرته بل څه نه دي، ځکه که دوی په وخت سره سوډان ته ونه لېږل شي، نو بیه به یوازې همدغه سوډاني خلک پرې کوي. په داسې حال کې چې د سوډان چارواکي هره ورځ منظم او د لوړې بیې سفرونه لري او د نړۍ شرق او غرب ته بې ځایه چکرونه وهي. نو ایا د دوی لپاره د یوې داسې الوتکې برابرول، چې له چین څخه پرې خپل خلک راوباسي ستونزمن دي!؟ د رسنیو د راپورونو له مخې په چین کې شاوخوا ۱۳۰ تنه سوډانیان اوسېږي، چې لا تر اوسه د کرونا په ناروغۍ نه دي اخته شوي او سوډان ته د دوی لېږدول زرګونو الوتکو ته اړتیا نه لري! په حقیقت کې کپیټلېزم هغه کرکجن طبقاتي سېستم دی، چې واکمنان او چارواکي پکې له عامه خلکو سره ډېر توپیر لري.

که خلافت موجود وی، نو خلیفه به هېڅکله له چین یا د نړۍ له بل هر هېواد څخه د خپلو وګړو په رایستلو کې ځنډ نه وی کړی، ځکه په اسلام کې د اسلامي دولت همدا دنده ده. رسول الله صلی الله علیه وسلم فرمایي:

«... فَالْإِمَامُ رَاعٍ وَهُوَ مَسْئُولٌ عَنْ رَعِيَّتِهِ»

ژباړه: امام یو ډال دی او د خپل رعیت مسوولیت پر غاړه لري.

رسول الله صلی الله علیه وسلم د دغه دولت لومړنی خلیفه و. د هغه مبارک له وفات وروسته یې وارثانو (خلفاوو) دغه چاره عملي کړه. رسول الله صلی الله علیه وسلم د اسلامي دولت لومړنی موسیس و، ده د جهالت په دوره کې د حق د قایمولو لپاره راپورته شو او د الله سبحانه وتعالی د احکامو د پلي کولو په موخه یې د مبارزې په هغه آس پښه واړوله چې لا زین شوی هم نه و. نړۍ ته یې د خپلې مبارزې چټکتیا، اهمیت او ټینګار ښکاره کړ. خپلو پیروانو ته یې د خپلو لارښونو له لارې ډاډ ورکړ او د دوی له زړونو څه یې جهالت او وېره وایستله.  د قحطۍ (خاورو کال) په وخت کې خلیفه عمر رضی الله عنه د خپل رعیت د لوږې پرمهال دوی ته په خپلو لاسونو غذا رسوله او خپلې معدې ته یې د لوږې پرمهال وویل: «تر هغه به د خوړو مزه ونه ګورې، ترڅو د مسلمانانو ماشومان نه وي ماړه شوي.» هو دا همغه اسلامي دولت و، چې نن ورځ مسلمانای ور څخه بې برخې شوي دي.

موږ حزب التحریر-ولایه سوډان دولت ته له چين څخه د خلکو په راستنولو کې د ځنډ په له امله خبرداری ورکوو. دوی باید زر تر زره د چین له ووهان ښار څخه زموږ بچیان راوباسي. موږ یو ځل بیا دا په ډاګه کوو چې د خلافت له ړنګېدلو وروسته هغه دولتونه د خپلو خلکو پروا نه ساتي، چې استعمار د ملت او هېواد پالنې د روحیې پر اساس جوړ کړل، بلکې یوازې له دوی څه مالیه راټولوي.

په حقیقت کې د نبوت په تګلاره رامنځته شوی راشده خلافت کولی شي، چې د خپل رعیت ټولې چارې سمبال کړي. د سوډان خلک باید د خلافت د رامنځته کولو ننګه وکړي او د دغې لارې داعیانو ته د دغه ستر بري په ترلاسه کولو کې نصرت ورکړي. خلافت د الله سبحانه وتعالی ژمنه او د رسول الله صلی الله علیه وسلم زیری دی، لکه څنګه چې رسول الله صلی الله علیه وسلم فرمایي.

«ثُمَّ تَكُونُ خِلَافَةً عَلَى مِنْهَاجِ النُبُوَّةٍ»

ژباړه: له هغه وروسته به د نبوت په تګلاره خلافت تاسیس شي.

حزب التحریر-ولایه سوډان مطبوعاتي دفتر