د یهودو په څېر دا ځلې هندو دولت داسې ګامونه واخیستل، چې په ترڅ کې يې هڅه کوي پر سوچه اسلامي خاوره (کشمیر) خپله ولکه لا نوره هم ټینګه کړي. دا هغه خاوره ده چې څو لسیزې د مسلمانانو په وینو خړوبه شوې ده. هندو دولت د ۲۰۱۹م کال د اګېسټ پر ۵ مه د یوه فرمان په ترڅ کې له کشمیر څخه د ځانګړې سیمې حیثیت واخیست. کشمیر ته يې پرېمانه پوځیان ولېږل، د مخابراتي شبکو فعالیتونه یې بند کړل، هغه سیمې يې کلابندې کړې، چې هندو دولت ترې د مقاومت ډار درلود. پر دې سربېره یې هندوانو ته اجازه ورکړه، چې په کشمیر کې مېشت شي او دا هر څه يې د اساسي قانون د (A- 35) پراګراف او ۳۷۰ مې مادې تر لغوه کولو وروسته وکړل. هندو حکومت دا هرڅه د غرب تر دقیقې څارنې لاندې وکړل، د دې لپاره چې پر کشمیر خپله ولکه ډېره کړي، هندو حکومت ځمکني واقعیت ته بدلون ورکړ او دا چاره یې په فلسطین کې د یهودي دولت کړنلارې ته په کتو ترسره کړه. په حقیقت کې هندو حکومت دا جوته کړه، چې خیانت او چل د مشرکو هندو مشرانو په خټه اخښل شوی دی او همدوی د مسلمانانو سرسخته دښمنان دي. الله سبحانه و تعالی فرمايي:

﴿لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا﴾

[المایده:۸۲]

ژباړه: ته به له مومنانو سره په دښمنۍ کې تر ټولو سر سخت یهودان او مشرکان و مومې.

اې د پاکستان مخلصو او سپېڅلو مسلمانانو!

په دې وروستیو کې پر اشغال شوي کشمیر د هندي حکومت ولکه خورا پیاوړې شوې وه. په ځانګړې توګه هغه مهال چې حکومت د کشمیر یو غښتلی مجاهد «برهان واني» شهید کړ-الله دې جنت فردوس ورکړي- نو له هغه وروسته د کشمیریانو خورا پراخو لاریونونو هندي مشران وارخطا کړل. که څه هم هندو حکومت یو ځل بیا خپله ولکه ټینګه کړه، خو پوځیان يې سخت بې موراله او بې روحیې شوي دي. دوی له داسې خلکو سره په جګړه کې ښکېل دي، چې له مرګه نه ډارېږي او په خوښۍ سره شهادت قبلوي. بل خوا بیا هندي پوځیان له سخت رواني ناارامۍ سره مخ دي، چې ځینې يې حتا په رواني ناروغیو اخته شوي او ځان وژنې يې کړي دي. هندي حکومت یو ځل بیا پر کشمیر خپله ولکه ټینګه کړه، خو د امت د یوې وړې برخې پوځ هغه مهال مودي ته غاښ ماتوونکی ځواب ورکړ، کله چې هندي پوځي الوتکو د پاکستان فضايي حریم مات کړ. له پاکستاني پوځ سره یې په مقابله کې پوځي الوتکه راو پرځېده او پیلوټ يې بندي شو.

پاکستاني چارواکي هم د منځني ختیځ د بې غیرته عربو مشرانو په څېر دي، د دې پر ځای چې د مومنانو د زخمونو د ټکور لپاره يې د هندو حکومت پوځي اقدام ته په پوځ سره ځواب ویلی وای؛ دوی پر کشمیر د هندي واکمنۍ لاټینګېدو ته نوره هم لار هواره کړه. د باجوه- عمران حکومت دا هرڅه د خپل سرکښه او خاین بادار ټرمپ په امر وکړل؛ په داسې حال کې چې د ټولې نړۍ د حاکم ذات الله سبحانه و تعالی حکم يې شا ته پرېښود. د پاکستان ذلیلو مشرانو د کشمیر د سپېڅلو مجاهدینو له ملاتړ څخه لاس واخیست او هغوی يې ترهګر وبلل. په داسې حال کې چې الله سبحانه و تعالی فرمايي:

﴿وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ﴾

[البقره:۱۹۱]

ژباړه: له هغوی سره چې هر ځای مخامخ شوئ، وجنګېږئ او له هغه ځای څخه یې وباسئ، چې تاسو یې ترې ایستلي یاست.

خو د پاکستان بې شرمه مشرانو د غربي اشغالګرو قوتونو غوښتنې ومنلې او د کشمیر د سپېڅلو مجاهدینو مالي ملاتړ يې ونه کړ. په دې سره د هغوی پوځي مبارزه ټکنۍ او ان له ګواښ سره مخ شوه. الله سبحانه و تعالی فرمايي:

﴿وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِنْ دُونِهِمْ لاَ تَعْلَمُونَهُمُ اللَّهُ يَعْلَمُهُمْ﴾

[الانفال:۶۰]

ژباړه: او تاسو ترخپله وسه د هغوی مقابلې ته ډېر امکانات او زین کړي اسونه چمتو کړئ. څو له دې لارې د الله سبحانه وتعالی دښمنان، خپل دښمنان او هغه نور دښمنان ووېروئ، چې تاسو یې نه پېژنئ او الله سبحانه وتعالی یې پېژني.

د مودي حکومت څو ځله پر پاکستانۍ خاوره د راکټونو او کلسټر بمونو بریدونه کړي، خو د باجوه-عمران خاین حکومت د دې پر ځای چې د پاکستاني پوځ زمریو پوځیانو ته د غاښ ماتوونکي ځواب اجازه ورکړي، مودي ته د سولې کولو زارۍ کوي. حتا د نړۍ په کچه له لوی سرکښ ټرمپ څخه د منځګړیتوب غوښتنه کوي. په داسې حال کې چې الله تعالی فرمايي:

﴿فَلاَ تَهِنُوا وَتَدْعُوا إِلَى السَّلْمِ وَأَنْتُمْ الأَعْلَوْنَ وَاللَّهُ مَعَكُمْ وَلَنْ يَتِرَكُمْ أَعْمَالَكُمْ﴾

[محمد:۳۵]

ژباړه: نو تاسې مه بې زړه کېږئ او مه د سولې وړاندیز کوئ؛ همدا تاسو برلاسي کېدونکي یاست. الله سبحانه وتعالی له تاسو سره دی او هغه سبحانه وتعالی به هېڅکله ستاسو عملونه بې ځایه نه کړي.

اې د پاکستان د وسلوالو ځواکونو زمریانو!

هغه ستر ذات چې ستاسو ساه ګانې يې په لاس کې دي، د شهیدانو ارواح به د جنت په مرغانو کې واچوي او هلته به د هغه په قدرت سره حرکت کوي، فرمايي:

﴿وَمَا لَكُمْ لاَ تُقَاتِلُونَ فِى سَبِيلِ ٱللَّهِ وَٱلْمُسْتَضْعَفِينَ مِنَ ٱلرِّجَالِ وَٱلنِّسَآءِ وَٱلْوِلْدَانِ ٱلَّذِينَ يَقُولُونَ رَبَّنَآ أَخْرِجْنَا مِنْ هَـٰذِهِ ٱلْقَرْيَةِ ٱلظَّالِمِ أَهْلُهَا﴾

[النساء:۷۵]

ژباړه: اخر څه دلیل دی، چې تاسو د الله سبحانه وتعالی په لاره کې د هغو ناتوانه نارینه و، ښځو او ماشومانو لپاره نه جنګېږئ! هغوی چې کمزوري شوي، تر فشار لاندې نیول شوي او داسې چیغې وهي: اې ربه ته مو له دغې خاورې څخه چې اوسېدونکي یې ټول ظالمان دي، وباسه!

یوازنی پوځي مشر چې تاسو یې باید حتمي اطاعت وکړئ او پر لاره یې روان شئ، هغه پیغمبر صلی الله علیه وسلم دی؛ چې فرمايي:

«مَا تَرَكَ قَوْمٌ الْجِهَادَ إلاّ ذُلّوا»

(احمد)

ژباړه: ذلیل شوی قوم، جهاد پرېږدي.

نو په تاسې کې به هغه کوم پوځي کنډک وي، چې لومړی پر سرینګر د تکبیر ناره پورته کړي او پر کشمیر د مودي د واکمنۍ پای ته رسول وغواړي؟

رښتني خلافت ته نصرت ورکړئ او مادي ملاتړ یې وکړئ، تر څو یو ځل بیا پر نبوي تګلاره خلافت تاسیس شي. داسې واکمنان واک ته ورسېږي، چې هغوی پر ځمکه د الله سبحانه و تعالی له لوري رالېږل شوي احکام پلي کړي. زموږ خلافت به نه یوازې دا چې د هندي حکومت سفارتي چارې به بندې کړي او ډيپلوماټان به يې بېرته ورشړي؛ بلکې د اشغال شوي کشمیر مسلې ته به د نظامي ځواک پر مټ وردانګي. زموږ خلافت به د الله سبحانه و تعالی د رضا د لاسته راوړلو لپاره خلک جهاد ته هڅوي، هغه خلک چې له کلونو کلونو راهیسې دردېدلي او له خپلو کورونو شړل شوي دي. زموږ خلافت به د دښمن د وېرولو په موخه خپلې اټومي وسلې په حرکت راولي. همدا ډول به د اشغال شوي کشمیر او پاکستان تنکي ځونان به په بېړه وروزي، څو ستاسو ملاتړ ته چمتو شي. په رښتیا سره اوس نو ستاسو وار دی، چې پر سرینګر د اسلامي خلافت بیرغ ورپوئ او د الله سبحانه وتعالی په لاره کې د بریا او شهادت په لټه کې شئ،  تر دې چې لاسته یې راوړئ. پر همدې اساس الله سبحانه و تعالی فرمايي:

﴿يَا أَيُّهَا الَّذِينَ آمَنُواْ قَاتِلُواْ الَّذِينَ يَلُونَكُم مِّنَ الْكُفَّارِ وَلْيَجِدُوا فِيكُمْ غِلْظَةً وَاعْلَمُواْ أَنَّ اللّهَ مَعَ الْمُتَّقِينَ﴾

[التوبه:۱۲۳]

ژباړه: اې مومنانو! د حق له هغو منکرانو سره و جنګېږئ، چې تاسو ته نږدې دي او هغوی باید په تاسو کې کلکوالی(زېږوالی) راپیدا کړي؛ پوه شئ. چې الله سبحانه وتعالی له پرهیزګارانو سره دی.

حزب التحریر-ولایه پاکستان

د ۲۰۱۹م کال د اګیسټ پر ۱۹مه د نړۍ د شپږم لوی پوځ مشر جنرال باجوه درې کاله نور هم د پوځ مشر شو. په دې اړه لومړي وزیر داسې وویل: «دا پرېکړه د سيمه ییز امنیتي چاپېریال له کبله شوې ده.» په اوسني سيمه ییز امنیتي چاپېریال کې چې د امریکا او هند تر سیوري لاندې دی، هغه څوک د مسلمان ځواکمن لښکر د مشرۍ وړتیا لري، چې د الله سبحانه و تعالی او د هغه د پيغمبر صلی الله علیه وسلم له اوامرو سره سم په سيمه کې امنیت ټینګ کړي. ارزښتمن جنرال هغه څوک دی، چې په مستعمره کشمير کې د مسلمانانو اوښکې پاکې کړي. په کشمير کې په چټکۍ سره امنیت راولي، خپل زړور عسکر حساس جنګ ته واستوي او له هغه وروسته د سرينه ګر ښار په بري کې د خلافت له بیراغ سره د تکبیرنو خواږه اوازونه یو ځای پورته کړي. د پاک لښکر پاک جنرال هغه کس دی، چې په پرله پسې بریاوو سره خپل لښکر د هند د نیمې وچې لوړې څوکې ته ورسوي. دا په هغه رښتيني مسلمان جنرال پورې اړه لري، چې په ډېرې چټکۍ سره افغان طالبان له ظالمو ځواکونو سره په هغو خبرو اترو کې له دوکې او فرېب څخه خبر کړي، هغه ظالم ځواکونه چې له شرموونکې ماتې او بشپړ وتلو څخه په وېره کې دي. باجوه د یوې سیاسي معاملې هڅه کوي، چې په سیمه کې د متحده ایالتونو نظامي ځواک ځای پر ځای کړي. یوه زړور مسلمان جنرال ته ښايي، چې له افغان طالبانو څخه په ټینګه ملاتړ وکړي او په پوره توان سره یې د جهاد خیر او ښېګڼې ته راوبولي؛ ترڅو د الله سبحانه وتعالی د دین لپاره د دوی د وینو او پولادو په بدل بشپړه بریا تر لاسه کړي. پرهېزګار جنرال په پوره توګه د ډیموکراسۍ د سازمانونو له ملاتړ څخه ځان ایستلی شي، هغه سازمانونه چې خلک یې د IMF او پانګوال کفر تر ډبرو لاندې ټوټه کړي. همدارنګه دا جنرال به د هغه څه ملاتړ کوي، چې الله سبحانه وتعالی رالېږلي دي او خلک به یې له هغو ټولو شیانو ګټه پورته کړي، چې الله سبحانه وتعالی پاکستان ته ورکړي دي. په حقیقت کې به موږ د امت د زمریانو لپاره د یوه وړ جنرال شاهد وو. رسول صل الله علیه وسلم فرمايي:

«إِذَا وُسِّدَ الأَمْرُ إِلَى غَيْرِ أَهْلِهِ فَانْتَظِرِ السَّاعَةَ»

(بخاري)

ژباړه: کله چې چارې له وړ کسانو پرته نورو خلکو ته وسپارل شي، نو بیا د قیامت لپاره په تمه شئ.

اې د پاکستان د وسلوالو ځواکونو زمریانو! کله چې رښتينی جنرال خالد بن وليد د مرګ پر بستر پروت و، داسې یې وویل:

«لقد شهدت مئة زحف أو زهاءها، وما في جسدي موضع شبر إلا وفيه ضربة بسيف أو رمية بسهم أو طعنة برمح، وها أنا ذا أموت على فراشي، حتف أنفي، كما يموت البعير فلا نامت أعين الجبناء»

ژباړه  ما په سلګونو جګړو کې برخه واخیستله او په بدن کې مې داسې ځای نشته چې د تورې، نیزې او غېشي داغ یې نه وي لیدلی؛ خو زه نن ورځ پر خپل بستر باندې د زوړ اوښ په څېر مرم او ډارن خلک به هېڅکه ارام نه شي.

 اې د سیف الله وارثينو! د نبوت پر تګلاره د خلافت د پروژې لپاره د حزب تحریر مخلصو دعوتګرو ته نصرت ورکړئ او په دې توګه د لوی اسلامي امت د دین ملاتړ وکړئ؛ ځکه تاسو داسې جنرالان لرئ، چې په رښتیا هم ستاسو د قوماندې وړتیا لري او د سپېڅلې بریا او شهادت لپاره ستاسو مشري کولای شي.

د حزب التحریر-ولایه پاکستان مطبوعاتي دفتر

حزب التحریر-ولایه بنګله دېش د ۲۰۱۹م کال د اګېسټ په ۲۳مه د جمعې له لمانځه وروسته په ډاکې او چیتاګنګ ښارونو کې د حسینې رژیم د هغې ادعا خلاف لاریونونو ته راووتل، چې کشمیر یې د هند داخلي مسله بلله. رژیم خلک نه پرېږدي، چې د کشمیر په پلوۍ لاریونونه وکړي. د لاریون کوونکو ویناوال د کشمیر د مسلمانانو بېوزلي او غم بیانوي. مسلمانو خاینو سیاستوالو چې د هند مشرک دولت او غربي ښکېلاک لاسپوڅي دي، د هندي دولت پر دغو کړنو یې ځانونه کاڼه اچولي دي. هند د یوې امپریاليستۍ طرحې د پلي کولو هڅه کوي، چې په دې سره ټول کشمير تر خپل ښکېلاک لاندې راولي او غواړي په دغې نیمه وچه کې بل فلسطین جوړ کړي. د کشمیر د ازادۍ په اړه د هند د اساسي قانون د ۳۷۰ مې مادې په لغوه کولو سره، قصاب مودي کشمیر د مرګ پر دره بدل کړی دی. د هند حکومت د لویو نظامي ځواکونو پر مېشت کولو سره د کشمیر مسلمانان تر سختو شکنجو لاندې راوستي؛ پر دوی یې د تګ راتګ پر بندیز لګولو سربېره د ټلیفون او انټرنېټ مزي هم پرې کړي دي.

ظالم هندي ځواکونه پر کورونو یرغل کوي او په ډله ییزه توګه خلک نیسي. پر راټولو شوو خلکو ډزې کوي او ټپي شوي کسان حتا د نیولو له وېرې روغتونونو ته نشي تللی. بل خوا د حسینې لاسپوڅی رژیم د دې پر ځای چې زموږ ځواکونه د مسلمانانو په ملاتړ کشمیر ته واستوي، د کشمیر پر مسلمانانو ملنډې وهي او په بنګله دېش کې د هند د بهرنیو چارو د وزیر مېلمه پالنه کوي. د حسینې رژيم په دې خبره مسلمانان تېرباسي، چې «کشمير د هند داخلي مسله ده» او هڅه کوي چې په دې توګه خپل ګډ امپریاليسټ کافر چارواکي خوشاله کړي.

پر دې سربېره دوی د بنګله دېش خلک وېرولي، څو د کشمير د مسلمانانو لپاره د هند پر وړاندې خپله غوسه ونه ښيي او لارو او کوڅو ته له راوتلو څخه ډډه وکړي. دغه لاسپوڅی رژیم په ډېرې سپين سترګۍ د الله سبحانه وتعالی له امر څخه سرغړونه کوي:

﴿...وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ...﴾

[الانفال ۸:۷۲]

ژباړه: ...که هغوی له تاسو څخه د دین په اړه مرسته وغواړي، نو له هغوی سره مرسته کول پر تاسو فرض دي....

همدا راز د لاریون کوونکو ویناوال وایي: اې مسلمانانو! د کشمير خلک د اسلامي امت یوه نه بېلېدونکې برخه ده او کشمير د هند داخلي مسله نه ده. رسول صل الله علیه وسلم فرمایلي:

«مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى»

(صحیح المسلم)

ژباړه: مومنان په غم، درد، زړه سوي او خواخوږۍ کې سره شریک دي او د یوه بدن په څېر دي. کله چې د بدن یو غړی په درد شي، نو ټول بدن ورسره ناارامه او بې خوبه وي.

 د کشمير، فلسطین، میانمار او د نړۍ په هر ګوټ کې د مسلمانانو درد د ټول امت درد دی. د ایمان له مخې دا زموږ دنده ده، چې د کشمیر پر مسلمانانو سربېره د نړۍ د ټولو مسلمانانو ستونزو ته حللاره ولټوو.

د کشمير د دغه ناوړه برخلیک اساسي علت په امت کې د رښتینې او پاکې مشرۍ (خلافت) نشتون دی. کشمير تل د هند تر ښکېلاک لاندې و او اوس د ۳۷۰مې مادې په لغوه کولو سره باید بې دفاع پاتې نشي. په داسې حال کې چې د کشمیر راپرځېدل هغه مهال پیل شول، چې امپریالېسټ دښمنانو زموږ د واکمنو په مرسته د ۱۹۲۴م هـ.ق کال د مارچ پر ۳مه اسلامي خلافت رانسکور کړ. موږ یې تر ۵۰ په ډېرو ملي دولتونو ووېشلو او دې ته یې اړ کړلو چې د دوی لاسپوڅي د واکمنو په توګه ومنو او بشري نظام ته غاړه کېږدو. موږ د دښمن پر وړاندې ناتوانه او بې ډاله شوو. وروسته دوی زموږ خاورې د وحشي ځناور په څېر ونیولې. د دوی تیري او یرغل په نړۍ کې د کشمير په ګډون ټولې اسلامي خاورې لاندې کړې.  

ویناوالو همدا راز وویل: اې مسلمانانو! ملګري ملتونه او OCI له امپریالیسټي وسایلو پرته هېڅ نه دي. دوی زموږ ستونزې نشي حلولی. یوازې نژدې راتلونکی راشده خلافت کشمیر او ټولو هغو سیمو ته خپل نظامي ځواکونه استولی شي، چې مسلمانان تر ظلم لاندې دي. ثوبان روایت کړی، چې رسول الله صلی الله علیه وسلم فرمايي:

«عِصَابَتَانِ مِنْ أُمَّتِي أَحْرَزَهُمَا اللَّهُ مِنْ النَّارِ عِصَابَةٌ تَغْزُو الْهِنْدَ وَعِصَابَةٌ تَكُونُ مَعَ عِيسَى ابْنِ مَرْيَمَ عَلَيْهِمَا السَّلَام»

(احمد او النسا)

ژباړه: الله سبحانه وتعالی زما د امت دوې ډلې د دوزخ له اور څخه ژغورلې دي: یوه هغه ډله چې هند ونیسي او بله هغه ډله چې له عیسی ابن مریم سره وي.

په پای کې ویناوالو پر خلکو غږ وکړ، چې د حزب التحریر هغې غوښتنې ته هرکلی ووایاست، چې له تاسو څخه د خلافت په تاسیس کې مرسته غواړي، څو کشمیر له ګډ هند څخه د تل لپاره ازاد شي. موږ به له دغه لاسپوڅي او ډران رژيم څخه څه تمه ولرو، چې په خپلو خاورو کې پر مسلمانانو ظلم کوي او د ګډ هند د سیمه ییز واک د ټینګښت لپاره له خپلو امپریالېستي واکمنانو سره اوږه پر اوږه کار کوي؟ همدا یې ښه وخت دی، چې د حسینې رژیم له منځه یوسو، ځکه د ګډ هند لاسپوڅی رژیم دی او په بدل کې یې د مسلمانانو ډال (پیاوړی خلافت) بېرته راوګرځوو؛ هغه خلافت چې د کشمير، فلسطین او راخین په شومول په نړۍ کې ټول مظلوم مسلمانان ازادولی شي.

رسول صل الله علیه وسلم فرمایلي:

«وَإِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

(صحیح المسلم) 

ژباړه: اما (خلیفه) هغه ډال دی، چې تر شا یې جګړه کېږي او ځان ورباندې ساتل کېږي.

د حزب التحریر-ولایه بنګله دېش مطبوعاتي دفتر

د صدور ګڼه

۱۴۴۰هـ.ق، کال د ذوالحجې ۲۲مه

۲۰۱۹م، کال د اګېسټ ۲۳مه 

پوښتنه:

سپينې ماڼۍ په يوه وينا پاڼه کې ويلي: د امريکا ولسمشر ډونالډ ټرمپ د جمعې په ورځ د پاکستان لومړي وزير عمران خان ته په ټلیفوني اړیکه کې وویل: هند او پاکستان باید د «دوه اړخيزو خبرو اترو» له لارې په جمو او کشمير کې شخړې را کمې کړي. (رويټرز، ۲۰۱۹/۸/۱۷) پای. د هند لومړي وزير نريندرا مودي په داسې حال کې په رسمي توګه کشمير له هند سره یو ځای کړ، چې ټرمپ د هند او پاکستان ترمنځ  د کشمير مسله لانجمنه ونه ګڼله. د هند لومړي وزير مودي د هند د خپلواکۍ د ورځې یعنې ۲۰۱۹م کال د اګېسټ پر ۱۵مه په يوه وينا پاڼه کې وويل: «حکومت یې هغه څه ترلاسه کړل، چې تېر حکومتونه يې په لاسته راوړلو کې پاتې راغلي وو.» (شرق الاوسط، ۱۶/۸/۲۰۱۹)!

پوښتنه دا ده: په داسې حال کې چې هند په رسمي توګه کشمير له ځان سره يوځای کړ، نو خبرو اترو ته څه اړتیا ده؟ دا چې پاکستان پوځي وړتيا لري، نو ولې د جهاد له لارې د کشمير د ازادولو لپاره اقدام نه کوي؟ او ايا امريکا په دې برخه کې څه رول لري؟ الله سبحانه وتعالی دې لوی اجر درکړي.

ځواب:

د دې لپاره چې پورتنۍ پوښتنې ځواب شي، لاندې ټکي څېړو:

۱-د نړۍ د ټولو سيمو په پرتله د امريکايي سیاستوالو لپاره اوراسیا سيمه تر ټولو مهمه ده او امريکا هڅه کوي چې په ياده سيمه کې يې پر وړاندې بل سيال سر راپورته نه کړي. په دې سيمه کې د امريکا پر وړاندې څلور بالقوه سيالان شته: روسيه، چين، جرمني او خلافت، خو د امريکا پر وړاندې بالفعل سيال چين دی. امريکايي ستراتيژي جوړوونکي د امريکا د ګټو پر وړاندې د شوروي اتحاد تر پرځېدو وروسته چين ته د لوی ګواښ په سترګه ګوري. امريکايي ستراتيژيستانو په عملي ډګر کې د چين سمندري ځواک د کمزوري کولو لپاره له اسيا پسفيک هېوادونو څخه ګټه اخلي.

دوی په اوراسیا کې د هند لويه وچه د چين ستر ځواک ټوکېدو پر ضد کارولې ده... او امريکا په اسيا پسفيک سيمه کې له يو شمېر هېوادونو لکه: تايوان، تايلنډ، ويټنام، فلپين، جاپان، اندونيزيا او استراليا سره ګڼ ايتلافونه کړي او په دې سيمه کې یې خپلې وړتياوې پياوړې کړې دي. په هند کې په ۱۹۹۰م کال د اتل بهاري واجفای تر راتګ پورې په دغې لويه وچه کې هېڅ لوی ايتلاف نه و. کله چې په ۲۰۰۰م کال ولسمشر کلېنټن له هند څخه لیدنه وکړه، نو هغه مهال له هند څخه پوره ګټه اخیستنه پیل شوه. په لنډه توګه ويلی شو، چې د بوش ادارې د ۲۰۰۱ م کال د سپټمبر له ۱۱مې پيښې څخه وروسته هند ته ځانګړی پام واړاوه. امريکا د خپلو پروګرامونو له لارې ګڼ شمېر اقدامات وکړل. د هند او چين ترمنځ یې پوځي ستونزې رامنځ ته کړې، چې له ډلې یې له هند سره د امريکا هستوي هوکړه یادولی شو.

۲- امريکا پوه شوه، چې د هند او پاکستان ترمنځ د کشمير پر سر لانجه د چين پر ضد روانه مبارزه کمزورې کوي ... نو پر یادو لانجو د بريالي کېدو لپاره یې د هند او پاکستان د اړيکو د عادي کولو په موخه ځينې ګامونه پورته کړل. د دغه کار موخه دا وه، چې د هند او پاکستان ځواکونه د کشمير پر سر د نښتې پر ځای له امريکا سره د چين پر خلاف مرسته وکړي. امريکا په دې باورې وه، چې له هند سره د کشمير یو ځای کول او پر پاکستان باندې فشار راوړل به د دواړو تر منځ د پوځي شخړو مخه ونیسي او خبرو اترو ته به لاره هواره کړي. په دې سره به یاده لانجه ختمه شي، لکه په فلسطين کې د عباس اداره او شاوخوا عربي هېوادونه، چې د يهودي دولت پر ضد نظامي اقدام نه کوي، هغه يهودی دولت چې فلسطين يې اشغال کړی او د ټول فلسطين د نيولو هيله لري! له همدې امله نريندرامودي له هند سره د جمو او کشمير د يوځای کېدو او د نقشې د بدلون (population’s demography) پلان پيل کړ، چې د ۲۰۱۹م کال د اګېسټ پر ۵مه یې د کشمیر اړوند د اساسي قانون د ۳۷۰مې مادې د لغوه کېدو پرېکړه وکړي. يادې مادې کشمير ته په زياته کچه کورواکي ورکړې وه.

کشمير د دغې مادې له مخې په اساسي قانون، بيراغ او ډېرو نورو برخو کې خپلواکې درلوده، پرته له بهرنيو اړيکو څخه چې په هغو کې دفاع او مخابرات شامل دي. د دغې مادې په لغوه کېدو سره د بيا تنظيمېدو لايحه جوړه شوه، چې له مخې يې اشغال شوی کشمير په دوو سيمو ووېشل شو: جمو- کشمير او لدهخ دواړې سيمې يې په نوي ډهلي کې له فدرالي حکومت سره وتړلې. د هند مشرانو جرګې يوه ورځ وروسته د ۲۰۱۹م کال د اګېسټ پر ۶مه په ۱۲۵ موافقو او ۶۱ مخالفو رايو سره ياده لايحه تصويب کړه. د ۳۵ مې مادې لومړۍ فقره د هند د نورو سيمو اوسېدونکو ته اجازه نه ورکوي، چې په کشمير کې ملکیتونه او ځمکې وپيري. دا فقره هم لغوه شوه او د نورو ايالاتونو اوسېدونکو هنديانو ته يې اجازه ورکړه، چې په کشمير کې ملکیتونه وپیري او د دولتي دندو لپاره غوښتنليکونه ورکړي. د کشمير ډېری اوسېدونکي مسلمانان دي، نو ځکه دا يو کلتوري او ديموګرافيک بدلون دی... او هغه بدلون ته ورته دی، چې په پایله کې یې يهودي دولت فلسطين له ځان سره يوځای کړ او د هغه ديموګرافۍ ته يې بدلون ورکړ. هغه څه چې نتنياهو یې د امريکا په اشاره په فلسطين کې کوي، همدې ته ورته یې مودي په کشمير کې کوي. د هند لومړی وزير مودي د امريکا په اشاره او ملاتړ د اسرايلو د لومړي وزير تګلاره په کشمير کې کاپي کوي.

۳- کله چې هند اعلان وکړ، چې د کشمير ځانګړي دریځ به له منځه وړي؛ نو د پاکستان دريځ ډېر مايوسوونکی و، د شرم او رسوایۍ له امله یې له غندلو پرته نور هېڅ ونه کړل. د پاکستان د بهرنيو چارو وزارت په يوه بيان کې وويل: پاکستان په کلکه د نوي ډهلي نننی، یعنې د ۲۰۱۹م کال د اګېسټ د ۵مې اعلان غندي او ردوي. د هندي حکومت هېڅ يو اړخيز اقدام د دغې لانجې په حل کې مرسته نه کوي، که څه هم چې ياده لانجه د ملګرو ملتونو امنيت شورا په پرېکړو کې بيان شوې، چې پاکستان به د دغه اقدام پر ضد له هرې ممکنې لارې کار واخلي. (فرانس پریس خبري اژانس، ۵/۸/۲۰۱۹). په مسکو کې د پاکستان سفير قاضي خليل الله وويل: «پاکستاني چارواکي د کشمير په تړاو سملاسي له ديپلوماتيکو، سياسي او حقوقي لارو څخه د هند د وروستي اقدام پر ضد کار اخلي او يوه ځانګړې کميټه جوړه شوې، چې حکومت ته په دې اړه سپارښتنې وړاندې کړي.»

بل خوا لکه څرنګه چې فلسطينۍ اداره او شاوخوا عرب هېوادونه د يهودي دولت لخوا د فلسطين سپېڅلې خاورې نيواک یوازې غندي او د سرغړونو په تړاو یې یوازې نیوکې کوي، پرته له دې چې خپل پوځونه د جګړې لپاره چمتو کړي. پاکستان ورته رول لوبوي، جګړې ته نه چمتو کېږي او يوازې په غندنو بسنه کوي! دوی سربېره پردې موضوع ملګرو ملتونو او امريکا ته وړاندې کړه، چې هغوی د مسلمانانو ښکاره دښمنان دي!

۴- د پاکستان لومړي وزير عمران خان د ۲۰۱۹م کال د اګېسټ پر ۱۱مه پر خپل ټوېټر ولیکل: «د هند دغه اقدام لومړی دننه په هند کې مسلمانان ځوروي او وروسته بیا پاکستان په نښه کوي. دا يوه داسې هڅه ده، چې د توکم جاروکولو له لارې د کشمير په ديموګرافي کې بدلون راولي.» او ده له تش په نامه نړيوالې ټولنې څخه هيله وکړه، چې په دې لانجه کې منځګړيتوب وکړي او د ده په خبره نړيواله ټولنه صلاحيت لري، چې د هند مخه ونيسي! پاکستان دا هېره کړې، چې پوځي ځواک يې د هند مخه نيولی شي... دا هغه وخت په ثبوت ورسېده، چې هند د ۲۰۱۹م کال د فبرورۍ پر ۲۶مه اعلان وکړ، چې په يوه هوايي بريد کې یې ګڼ شمېر کشميريان په کشميري کمپونو کې وژلي دي. دا پېښه له هغه وروسته رامنځته شوه، چې ځينې کشميري ډلو د ۲۰۱۹م کال د فبرورۍ پر ۱۴مه اعلان وکړ، چې دوی پر هندي ځواکونو د برید په پایله کې ۴۱ سرتیري وژلي دي. پاکستان د هند تر برېد وروسته اعلان وکړ، چې دوې هندي جنګي الوتکې يې غورځولې، چې يو پيلوټ يې نيولی او دوه نور يې وژلي دي.

ياد ګام د پاکستان پوځي وړتيا په ګوته کوي، چې د هند مخه نيولی او ماتې ورکولی شي، خو پاکستانی رژيم هېڅ جدي اقدام نه کوي چې د هند مخه ونيسي. پاکستان د امريکا دستورونو ته غاړه ایښې ده او امريکا له پاکستان څخه غواړي، چې د دوو الوتکو تر غورځېدو وروسته شخړې را کمې کړي. په راپورونو کې راځي: «د امريکا د بهرنیو چارو وزير مايک پمپو د جیش محمد ډلې پر کمپ له برید وروسته له خپلو هندي او پاکستاني سيالانو سره ټلیفوني خبرې وکړې او پر دواړو خواوو يې ټينګار وکړ، چې له ارامۍ څخه کار واخلي او د شخړې او خطر له هر ډول ډېرېدونکي اقدام څخه لاس په سر شي.» هغه حتا د هند له دريځ څخه ملاتړ وکړ او زياته يې کړه: « هندي هوايي بريدونه د ترورېزم ضد وو او پر پاکستان يې ټينګار وکړ، چې په سيمه کې د تروريستي ډلو پر ضد جدي ګامونه واخلي.» (فرانس پريس، رويټرز، ۲۸/۲/۲۰۱۹). ياد بيان له هند سره د امريکا خواخوږي څرګندوي او د هند د هغو هڅو ملاتړ په ګوته کوي، چې هند يې په کشمير کې کوي. امريکا دې ته ورته د هغو هڅو ملاتړ کوي، چې اسرایيل يې په فلسطين کې د مسلمانانو پرضد کوي، چې هغه د خپل هېواد دفاع او ازادول بولي....

سربېره پردې پاکستان د عباس ادارې او عربو رژيمونو په څېر امريکا ته په تمه دی، چې په موضوع کې د دوی لاسنيوی وکړي، که څه هم پوهېږي چې امريکا د هند پلوي کوي. په واشنګټن کې د پاکستان سفير مجيد خان د ۲۰۱۹م کال د فبرورۍ پر ۲۷مه وویل: «د امريکا د بهرنيو چارو وزات اعلاميه د هندي دريځ ملاتړ کوي او هنديان نور هم هڅوي» او زیاته یې کړه: «په دې برخه کې د رول لوبولو لپاره، هېڅ هېواد د امريکا په پرتله وړ نه دی.» (فرانس پريس، ۲۸/۲/۲۰۱۹). يعنې که څه هم ده ومنله، چې د امريکا د بهرنيو چارو وزارت اعلاميه د هند دريځ پياوړی کوي، خو بیا هم باوري دی چې امريکا په دې برخه کې رول لوبولی شي! د امريکا ځانګړتيا دا ده، چې د ملګرو ملتونو او امنيت شورا په وسیله دوی له خپل دريځ څخه پر شا کوي. دا هغه څه و چې پاکستاني رژيم وکړل او اعلان يې وکړ چې له هند سره نښته او تاوتريخوالی نه غواړي. د نوي ډهلي پر ضد به ملګرو ملتونو ته رسمي اعتراضليک وړاندې کړي، نور کم او زيات هیڅ نه کوي. رژيم ان اعلان وکړ، چې نيول شوی قاتل پيلوټ به هند ته سپاري او ویې سپاره. هندی پيلوټ يې د سولې د يوې نښې په توګه، لکه څرنګه چې ادعا يې کوله، هند ته وسپاره. کله چې هند کشمير له ځان سره يوځای کړ او له کشمير څخه یې کوراوکي واخيستله، نو پاکستان له ملګرو ملتونو امنيت شورا څخه د پټو دروازو تر شا د کشمير د حالت په تړاو د بېړنۍ ناستې غوښتنه وکړه... په ملګرو ملتونو کې د پاکستان سفيرې مليحه لودي د امنيت شورا پرېکړه وستايله، چې د کشمير په تړاو ځانګړې ناسته کوي. نوموړې زياته يې کړه، چې د کشمير لانجه به په نړيواله کچه مطرح کړي او حاضر دي، چې له هند سره ياده لانجه د خبرو اترو له لارې حل او فصل کړي. (العربيه الجديد، ۱۶/۸/۲۰۱۹)

۵- د پاکستان له دغه دريځ څخه ښکاري، چې ياد رژيم د هند پر وړاندې هېڅ پوځي اقدام نه کوي او نه هم د هند مخه نيسي، چې د کشمير د ځانګړي دریځ اخيستلو پرېکړه لغوه کړي او نيواک یې پای ته ورسوي. ټرمپ د ۲۰۱۹م کال د جولای پر ۲۱مه له عمران خان څخه چې د پوځ مشر جاويد بجوا او د څارګرې ادارې مشر فايض حامد هم ورسره وو، وغوښتل، چې د امريکا لپاره په افغانستان کې رول ولوبوي. ټرمپ هيله څرګنده کړه، چې پاکستان به له طالبانو سره په سياسي جوړجاړي کې منځګړيتوب وکړي، څو په افغانستان کې د امريکا ۱۸ کلنه جګړه پای ومومي. عمران خان سملاسي د ټرمپ دستور ومانه او ويې ويل: «زه به له طالبانو سره کېنم او هڅه به وکړم، چې له افغان حکومت سره خبرو ته کېني.» ټرمپ د پاکستان حکومت وستايه، چې امريکا ته يې ډېر خدمتونه کړي دي. نوموړي وويل: «د پاکستان استخباراتو امريکا ته د اسامه بن لادين د ځای په اړه معلومات برابر کړي و.» (رويټرز، ۲۲/۷/۲۰۱۹).

پاکستان د امريکا لپاره ګڼ چوپړونه کوي، په داسې حال کې چې امريکا د پاکستان په بيه د هند ملاتړ کوي! کله چې هند د کشمير کورواکي لغوه اعلان کړه، نو د امريکا د بهرنيو چارو وزارت يوه وينا پاڼه خپره کړه، چې پکې راغلي وو: «موږ د هند او پاکستان تر منځ د کشمير او نورو اړوندو موضوعاتو په تړاو د نېغو خبرو اترو دوامدار ملاتړ کوو.» (رويټرز، ۷/۸/۲۰۱۹). امريکا د هند اقدام ونه غنده او نه يې له نړيوالو پرېکړو څخه سرغړونه وباله، خو د خبرو اترو يادونه يې وکړه، چې په دې کار سره يې عمران خان او د هغه رژيم مسخره کړ. دوی کومې خبرې اترې يادوي؟! په داسې حال کې چې هند په رسمي توګه کشمير له ځان سره يوځای کړ. له دې څخه ښکاري چې امريکا د ياد اقدام ملاتړې وه او له وړاندې یې په دې تړاو معلومات درلودل، ځکه هند له امريکا سره تر مشورې او د هغې له لوري د شين څراغ له ورکولو پرته په داسې يو اقدام لاس نشوی پورې کولی.

۶- موږ په خپل کتاب «سياسي موضوعات–اشغال شوي اسلامي هېوادونه» کې چې د ۲۰۰۴م کال د مې په ۲مه خپور شو، د کشمير په تړاو داسې ويلي و: «له همدې امله امريکا له هند او پاکستان سره يوځای تر خپل اغېز لاندې غواړي، چې دوی دواړه د کشمير په تړاو يو پوهاوی ولري. هغې د دې لانجې د حل په تړاو خپل لومړنی دريځ بدل کړی، لومړی يې غوښتل چې دغه موضوع په نړيواله کچه راپورته کړي، خو اوس له دواړو ښکېلو غاړو غواړي چې په دوه اړخيزه توګه ياده لانجه حل کړي. د امريکا اوسنۍ حللاره د کشمير پر دوو برخو وېشل دي، چې ازاد کشمير به په پاکستان پورې تړي او هغه کشمير چې د هند په ولکه کې دی د هند خاوره بولي.» اوس چې څه روان دي، موږ په خپل کتاب کې همغه څو کاله مخکې کې ويلي و. هند واقعيت ته په کتو اقدام وکړ او اشغال شوی کشمير يې له خپلې خاورې سره يوځای کړ.

۷- چين د هند دغه اقدام چې ۳۷۰ مه ماده وغنده، چې د «بيا تنظيم لايحې» تر نامه لاندې یې لغوه کوي. په دې سره اشغال شوی کشمير پر دوو سيمو وېشي: جمو-کشمير، او لدهخ او دغه دوې سيمې په ډهلي کې له فدرالي حکومت سره يوځای کوي. په ځانګړې توګه لدهخ چې د کشمير برخه ده او په تبت کې چين ته څېرمه پرته ده. هند له چين سره تر مشورې پرته ياد قانون تصويب کړ.

د چين د بهرنيو چارو وزارت ويانده هوا شينګ وايي: په دې وروستيو کې هند په يو اړخيزه توګه خپل کورني قانون ته په بدلون سره د چين عرضي تماميت ته زيان رسوي... داسې کړنې موږ ته د منلو وړ نه دي او عملي اړخ هم نشي خپلولی. د بهرنيو چارو د وزير وانګ يي غبرګون له هغه وروسته مخې ته راځي، چې نوي ډهلي تېره دوشنبه د هند او چين په لوېديځې پولې اړوند د لدهخ سیمه تر خپلې ولکې لاندې اعلان کړه. هوا شينګ ټينګار وکړ، چې چين تل له هند سره ځکه مخالف دی، چې په لوېديځه پوله کې د چين خاوره د هند د اداري ايالت تر نامه لاندې په ځان پورې تړي. (د چين د بهرنيو چارو وزارت ويناپاڼه، ۸/۸/۲۰۱۹).

۸- له پورته بيان شويو موضوعاتو څخه په لنډه توګه لاندې ټکي اخلو:

الف: د امريکا شين څراغ  او ملاتړ مودي ته دا واک ورکړ، چې۳۷۰مه ماده لغوه او د کشمير د یو ځای کېدو پروسه ترسره کړي. هند لا هم پر دغې پروسه کار وکړي، ترڅو مسلمانان کشمير هېر او د هند او پاکستان ترمنځ ستونزه حل شي. دې ته په کتو سره، چې دواړه هيوادونه په اوسني وخت کې له امريکايي تګلارې سره سمې خپلې کړنې سرته رسوي. امريکا او هند دواړو هېر شوي يا غواړي هېر يې شي، چې کشمير د پاکستاني او نورو سيمو د مسلمانانو لکه، نور اشغال شوې اسلامي خاورې، د دوی هستي ده....

ب: له هند سره د کشمير د یوځای کېدو په تړاو د پاکستاني رژيم ملاتړ او چوپه خوله پاتې کېدل په دې مانا نه دي، چې د پاکستان او نورو سيمو مسلمانانو او د دوی پوځونه به چوپه خوله پاتې شي. د دغه پوځ هوايي بريد د هند ياد دی او د هندي دوو الوتکو غورځېدل هم د هند په دماغ کې لا تازه دي. پاکستانی پوځ چمتو دی چې د کشمير ازادولو په موخه پر هند بريد وکړي، خو د عمران رژيم يې مخنيوی کوي. ياد رژيم يوازې د دفاع اجازه ورکوي او محدوديتونه هم پرې لګوي! که پوځ د جګړې لپاره چمتو شي څه به وشي؟ دښمن به په خپلو لاسونو ځان د تباهۍ کندې ته وغورځوي!

ج: چين د هند اقدام وغنده او د بهرنيو چارو وزارت یې يوه ويناپاڼه خپره کړه: «د هند پرېکړه يو اړخيزه ده، د چين عرضي تماميت ګواښي او له نړيوالو هوکړو سرغړونه ده. بيجينګ به د هند يو اړخيزه پرېکړه ونه مني، چې د کشمير حقوقي حالت ته بدلون ورکوي.»  (انادولو، ۶/۸/۲۰۱۹). چين پوهېږي چې دا کار په سيمه کې هند غښتلی کوي، هند ته له چین سره د سیالۍ توان ورکوي او د چين په څېر به يو سيمه ييز ځواک شي. د امريکا موخه هم په سيمه کې د چين د سيمه ييز ځواک ننګول دي. په ځانګړې توګه په کشمير کې د لدهخ برخه، چې چين ته څېرمه په تبت سیمه کې پرته ده او نفوس یې کابو ۲۷۰۰۰۰ تنه دی. له چين سره له سلا مشورې پرته د کشمير او د چين–هند پر لوېديځه پوله د لدهخ سيمې په اړه پرېکړه، د چين سخته غوسه وپاروله. که چين له هوښيارۍ کار واخلي او د لدهخ سيمه په خپله ولکه کې واخلي، دا به امريکايي تګلاره له ماتې سره مخ کړي. د دې پرځای چې د لدهخ سيمه د چين پر ضد د امريکايي ځواکونو په لومړۍ جبهه بدله شي، ښايي د دغو ځواکونو لپاره به په يوه داسې ګړنګ بدله شي، چې بيا به يي د راپورته کېدو هيلې خاورې شوې وي!

۹- په پای کې زموږ د بدمرغۍ سرچينه په اسلامي هېوادونو کې اوسني واکمنان دي. موږ خپل وياړ او پرتم ته د ګرځېدو لپاره  کافي ځواک لرو، ان زيات هم دی؛ ترڅو دښمن ته یو مرګونی ګوزار ورکړو! خو اوسني واکمنان چې له الله سبحانه وتعالی، نبي کريم صلی الله عليه وسلم او مومنانو سره يې خيانت کړی او خپلو بادارانو-کافرو ښکېلاکګرو ته پر ګونډو دي، همدوی پوځونو ته د اشغال شوو سیمو د ازادولو اجازه نه ورکوي. دغه واکمنان د ملګرو ملتونو او امنيت شورا په دروازو کې په ډېره سپکه او ذلیله توګه د څو ګولو ډوډۍ سوال کوي. دا هغه څه دي چې دوی ورته په تمه دي. خو پر دې ټولو ناخوالو او غمېزو سربېره بیا هم د مسلمانانو اشغال شوې خاورې له فلسطين څخه تر کشمير، برما، ختيځ ترکستان، قفقاز، چيچنيا او شاوخوا سيمې، کريميا او ټولو هغو سیمو پورې چې موذن پکې اذان کوي او د اسلام دښمنانو نیولې وي، د الله سبحانه وتعالی په زور سره به په اسلام کې داخلېږي او اسلامي بيرغ به پرې رپيږي. دوی به د ساتونکی امام، رښتني خليفه په دستور او د مجاهدينو د اسلامي پوځ پر مټ بېرته له اسلام سره يوځای کېږي....

هر هغه څوک چې غواړي په دې دنيا کې وياړ ترلاسه او په اخرت کې د جنت فردوس لوړه درجه خپله کړي، نو بايد لستوڼي بډ وهي او له دعوتګرانو سره يوځای د خلافت د تاسيس لپاره هلې ځلې وکړي او په دې لاره کې په اخلاص او صداقت سره خپل ځان او مال قرباني ورکړي.

﴿إِنَّ هَذَا لَهُوَ الْفَوْزُ الْعَظِيمُ * لِمِثْلِ هَذَا فَلْيَعْمَلِ الْعَامِلُونَ﴾

 [الصافات:۶۰-۶۱]

ژباړه: له شک پرته همدا ډېر لوى برى دى او د همدغه بریالیتوب لپاره باید عمل كوونكي عمل وكړي.

ژباړن: صديق احمدزی