(ژباړه)

د ۲۰۲۵م کال، د نومبر په ۱۸مه، د سعودي ولیعهد امریکا ته سفر وکړ؛ په دغه سفر کې یې د اسلامي امت د شتمنیو د ضایع کولو په برخه کې خپله بې‌عقلي په ډاګه کړه؛ هغه د خپل بادار پر وړاندې د ذلیلانه متابعت او د امت پر وړاندې د غدر او دسیسې لوړه کچه وښوده. نوموړي دغه راز له «ابراهیمي تړونونو» سره یو ځای کېدو ته غاړې اېښودلو سره د الله سبحانه وتعالی او د هغه له رسول صلی الله علیه وسلم پر وړاندې جګړه اعلان کړه؛ دا تړونونه پر یوه بل ښکاره خیانت ولاړ دي؛ یعنې د دوو-دولتونو حلالارې لپاره د روښانه مسیر تضمینول.

له سپینې ماڼۍ څخه د خپرې شوې اعلامیې له مخې، د امریکا ولسمشر، ډونالډ ټرمپ او بن سلمان یو لړ هوکړو ته سره ورسېدل چې د دواړو هېوادونو تر منځ سټراټیژیکه همکاري لا ژوروي؛ د لوړ معاش لرونکو دندو فرصتونه زیاتوي؛ د حیاتي اکمالاتي ځنځيرونو پیاوړتیا تضمینوي او د سیمه‌يیز ثبات لپاره ملاتړ برابروي. په اعلامیه کې ټینګار کیږي چې امریکا به د ملکي اټومي همکاریو په برخه کې د سعودي شریک وي او یادونه شوې چې د نادرو منرالو په برخه کې د دواړو هېوادونو د همکارۍ د ژورتیا لپاره یې د چارچوکاټ هوکړه لاسلیک کړې او همدارنګه د دغو منرالو د اکمالاتي ځنځيرونو د متنوع کولو لپاره د ملي ستراتیژیو د همغږۍ پرېکړه شوې ده. سربېره پر دې، د ګډو دفاعي هوکړو ترڅنګ پر دې هم هوکړه شوې چې سعودي به د اف–۳۵ جنګي الوتکې او ۳۰۰ ټانکونه پېري او په امریکا کې به خپلې پانګونې له ۶۰۰ میلیاردو ډالرو څخه تر یو ټریلیون ډالرو پورې لوړوي.

دا روښانه ده چې ټرمپ د آل‌سعود پاچاهي د پرېمانه پیسو راټولولو سرچینه او د امریکا د بهرني سیاست د پلي کولو وسیله ګڼي. له هغه وخته چې د یهودي «دولت» بنسټ اېښودل شوی، د آل‌سعود رژیم یوه مرمۍ هم نه ده ور‌ویشتلې؛ نو که دوی دغه وسلې د اسلامي امت د دښمنانو پر وړاندې نه کاروي، د څه لپاره یې اخلي!؟ ایا دغه وسلې د مسلمانانو د وژلو لپاره نه دي او ایا د یمن جګړه یې ژوندی مثال نه دی!؟ ولې د امریکا د نړېدونکي اقتصاد د راژوندي کولو لپاره د میلیاردونو ډالرو پانګونه کوي؛ په داسې حال کې چې د دوی په سلطنت او د اسلامي امت په نورو سیمو کې میلیونونه مسلمانان له لوږي سره مخ دي!؟ دا لومړی ځل نه دی چې دوی د مسلمانانو مالونه د امریکا د اقتصادي ملاتړ لپاره ضایع کوي، یا یې په خپلو ماڼیو او خواهشاتو لګوي او یا یې په داسې پروژو مصرفوي چې اسلامي امت ته هېڅ ګټه نه لري.

بېشکه چې د آل‌سعود حکام د مسلمانانو د نورو حکامو پشان احمقان دي؛ دوی شتمني پر هغو چارو لګوي چې اسلامي امت ته هېڅ ګټه نه رسوي. دا شتمني نه د دوی ده او نه د دوی د پلرونو؛ بلکې دا د امت حق دی. رسول الله صلی الله علیه وسلم فرمايي: «النَّاسُ شُرَكَاءُ فِي ثَلَاثٍ: فِي الْمَاءِ وَالْكَلَأِ وَالنَّارِ» یعنې: «خلک په درېیو شیانو کې شریکان دي؛ په اوبو، څړځایونو او اور کې.» (سنن ابن ماجه ۲۴۷۲)

نو تېل، ګاز، معدني زېرمې، سمندرونه او سیندونه د عامه ملکیت حکم لري او اصل دا دی چې دولت یې په امانتدارۍ اداره کړي او خلکو ته اجازه ورکړي چې له دغو شتمنیو خپل حق تر لاسه کړي. که د اسلامي خاورو رژیمونو دغه کار کړی وای، په هغوی کې به یو غریب انسان هم نه وای پاتې. خو احمق حکام، خلک له خپلو حقونو څخه محروموي؛ دغه شتمنۍ پر خپلو خواهشاتو ضایع کوي او د اسلامي امت د دښمنانو په واک کې یې ورکوي.

اې مسلمانانو! دغه کار یوازې سفيهان کوي او د سفيهانو شرعي حکم دا دی چې باید مهار او محدود شي؛ نو د خپلو حکامو د محدودولو او د خپلو شتمنیو د ضایع کولو د مخنیوي لپاره بیړه وکړئ. له حزب‌التحریر سره یو ځای د خلافت د تاسیسولو لپاره کار وکړئ؛ چې د شریعت په پلي کولو او ټولو خلکو ته د الله سبحانه و تعالی د دین په رسولو سره د هغه سبحانه و تعالی رضایت ترلاسه کړئ او هغه شتمنۍ بیرته راوګرځوئ چې دغو رُویبضه او ناکاره حکامو ضایع کړې ده؛ له دې سره به په دنیا او اخرت کې خوشاله، سرلوړي او بریالي شئ.

د حزب التحريرـ مرکزي مطبوعاتي دفتر

۱۴۴۷ هـ.ق کال، د جمادی الاول ۳۰ مه

۲۰۲۵م کال، د نومبر ۲۱مه

د صدور ګڼه: ۳۰/ ۱۴۴۷

ژباړن: اسرار تکل