(ژباړه)

خبر:

په یوه څېړنه کې چې اتلانتیک مجلې خپره کړه، راغلي: «چین نېږدې یو میلیون مسلمانان د سینګیانګ په سیمه (ختیځ ترکستان) کې په بندخونو کې بندیان کړي دي.» دغې څېړنې د ملګرو ملتونو له کارپوهانو څخه په نقل سره ویلي: «د یادو اډو جوړلو موخه له اسلام څخه د ایغور مسلمانانو لاس اخیستلو لپاره د هغوی د مغزونو مینځلو عملیات تر سره کول دي» ښکاره ده چې چین له اسلام سره تر ټولو کلک دښمن هېواد دی. همدانګه د اینتلیجنس مجلې هغه اعلان هم خپور کړی چې چین ویلي: «اسلام هغه ناروغي او تګلاره ده چې له یوه څخه بل ته لېږدول کېږي او مخنیوی یې له هرې شونې لار، که هغه ځورول او شکنجه هم وي، اړین دی.»

تبصره:

دغه ټول ځورول او شکنجه په ختیځ ترکستان کې زموږ له مسلمانو وروڼو سره تر سره کېږي او هېڅوک د هغوی د خوشي کېدو لپاره حرکت نه کوي. حتا موږ د داسې وړې غندنې شاهدان هم نه یو چې د مسلمانانو حکامو دې دغه عمل غندلی وي. زموږ ایغوري مسلمانان اوسمهال بې وزله او بې کسه دي او پر امت او د مسلمانانو پر حکامو واجبه ده چې له هغوی سره مرسته وکړي. ایا الله سبحانه وتعالی نه دي فرمایلي:

‏﴿وَمَا لَكُم لَا تُقَٰتِلُونَ فِي سَبِيلِ ٱللَّهِ وَٱلمُستَضعَفِينَ مِنَ ٱلرِّجَالِ وَٱلنِّسَآءِ وَٱلوِلدَٰنِ ٱلَّذِينَ يَقُولُونَ رَبَّنَآ أَخرِجنَا مِن هَٰذِهِ ٱلقَريَةِ ٱلظَّالِمِ أَهلُهَا وَٱجعَل لَّنَا مِن لَّدُنكَ وَلِيّٗا وَٱجعَل لَّنَا مِن لَّدُنكَ نَصِيرًا﴾ ‏

[نساء: ۷۵]

ژباړه: ولې باید د الله سبحانه وتعالی او هغو مسلمانو نارینه، ښځینه او ماشومانو د ژغورنې لپاره جګړه ونه کړئ چې نارې وهي او وایي: اې الله سبحانه وتعالی! موږ له دغه ښار او کلي څخه وباسه چې اوسېدونکي یې ظالمان دي او پر موږ ظلم روان بولي او ستا له لوري  موږ ته داسې ټول چاری (سرپرست) او ملاتړی راولېږه چې له موږ سره مرسته وکړي او له ظالمانو مو وژغوري.

ختیځ ترکستان په تېر وخت کې د اسلامي دولت یوه برخه وه او چین هېڅ وخت له خپلې خاورې سره د دغې سیمې د یو ځای کېدو جرات نه و کړی، خو له هغه وروسته چې اسلامي خلافت سقوط شو او اسلامي خاورې وپاشل شوې؛ ولې د مسلمانانو حکام، چې دنده یې له دغو مسلمانانو سره مرسته ده، ځینې یې بیاهم پر دغو ټولو سترګې پټوي او چین ته ځي، ترڅو له هغوی سره ملګري تر لاسه کړي. لکه د سوډان ولسمشر عمر البشیر په دې موخه چې د چین او افریقا د مرستو په ناسته کې ګډون وکړي، خپل ځان په بیړه چین ته ورساوه.

د خبرونو په متن کې ویل شوي چې د سوډان ولسمشر البشیر به د چین له ولسمشر سره وویني، نه له دې امله چې په چین کې د ځورېدلو مسلمانانو په اړه له نوموړي سره خبرې وکړي، بلکې د هغو دوه اړخیزو مرستو په اړه چې چین ته د البشیر په وروستۍ لیدنه کې د ستراتیژيک ګډون هوکړې په چوکاټ کې لاسلیک شوې. د مسلمانانو حکام څومره ناوړه کارونه تر سره کوي. د نبوت پر تګلاره د خلافت له دولت پرته هېڅوک په ختیځ ترکستان کې زموږ له کمزورو او ځورېدلو وروڼو سره مرسته نه شي کولی، چې د الله سبحانه وتعالی په مرسته به په نېږدې راتلونکي کې تاسیس شي او په هغه ورځ به مومنان د الله سبحانه وتعالی پر مرستې خوشحاله شي.   

لیکوال: ابراهیم عثمان (ابو خلیل)

د حزب التحریر ـ ولایه سوډان رسمي ویاند

ژباړن: بهیر «ویاړ»

(ژباړه)

هېڅ داسې ظلم او انساني جنایت نه دی پاتې، چې د چین ملحد دولت به پر ایغور مسلمانانو نه وي کړی. په ۱۱۷۴هـ.ق یا ۱۷۶۰م کال کې د چین په واسطه د ختیځ ترکستان له اشغاله، ددې خاورې له یو مېلیون ډېر مسلمانان په ډېر وحشایانه ډول وژل شوي دي. ان چین چې اوس په نړیوال موقف کې له امریکا سره سیالي او د نوي او پرمختللي دولت ادعا کوي، اوسنی حکومت یې له خپلو جنایتکارو نیکونو سره، چې له یوه مېلیون ډېر مسلمانان یې په وحشیانه توګه وژلي، هېڅ توپیر نه لري؛ بلکې د چین اوسنی حکومت پر وژلو سربېره، مسلمانان په خپل دین کې په فتنه کې اچوي.

په تېرو لسیزو په ځانګړي ډول په دغو وروستیو کلونو کې د چین دولت د الله سبحانه وتعالی له دین سره په جګړه، پر مسلمانانو په تېري او د مسلمانانو د حقونو په تر پښو لاندې کولو او له ښېګڼو یې په انکار، له ټولو سرو کرښو تېر شوی او د چین په ځانګړي ډول د ختیځ ترکستان د مسلمانانو په حق کې یې ډېر ظلم کړی دی. تر ټولو بد هغه قوانین دي، چې ددغو مسلمانانو پر وړاندې یې ظلم ته قانوني مشروعیت ورکوي:

۱ـ د روژې په مبارکه میاشت کې د فرضي روژې پر نیولو  بندیز.

۲ـ په ختیځ ترکستان کې د سړیو پر  ږیره او د ښځو پر حجاب بندیز.

۳ـ په نویو ماشومانو د هغو نومونو د اېښودلو بندیز، چې د مسلمانانو له دین او عقیدې سره اړوند وي لکه: د پيغمبر صلی الله علیه وسلم او حماسي نومونه چې د جهاد او مجاهد معنا ورکوي. ‍

۴ـ د هغو کسانو بندي کول، چې خپل زامن د اسلامي شعایرو لکه: لمونځ، روژې او اخلاقو زدکړې ته هڅوي.

۵ـ دکورنیو پر مشرانو دولتي ښوونځیو ته د خپلو زامنو لېږل او د کورنیو د تنظیمولو د سیاستونو زده کول، چې د مسلمانانو د ورک کولو په موخه په پام کې نیول شوي دي، لازمي دی.

۶ـ د دین پر اساس د ودونو پر کولو بندیز.

۷ـ د ختیځ ترکستان اوسېدونکي د دولتي چارواکو له خبر پرته د سفر او تګ راتګ د محدودولو لپاره، دولت ته د خپل پاسپورټ په سپارلو مکلف دي.

۸ـ د مسلمانانو له هغو کارونو د خبرېدو په موخه د مسلمانانو په کورنو کې د جاسوسانو ګمارل چې دوی یې له اسلامي ژوند سره په تړاو په خپلو کورنو کې ترسره کوي. ددې لپاره چې دولت وکولی شي د مسلمانانو له کړنو څخه خبر شي او له هغو سره سم اقدامات ترسره کړي. د چین د دولت له لوري نور نقض شوي موارد دا دي، چې چین د مسلمان اوسېدونکو پر وړاندې په عام توګه او د ختیځ ترکستان د مسلمانانو پر وړاندې په خاصه توګه اقدامات کوي.

هغه مسلمانان چې نن یې پر وړاندې جنګېږي، د اسلامي پيغام او غوره تمدن خاوندان دي. شخصیتونه یې داسې صیقل شوي چې د امانتدارۍ، رښتینولۍ، پاکۍ او د رحمت غوره شخصیتونه دي.له مسلمانانو سره د چین د دولت په ادعا چې شورشیان او اوباش یې بولي جګړه نه کېږي؛ بلکې ددې لپاره له مسلمانانو سره جګړه کوي چې دوی د غوره امت غوره انسانان دي او د بشر د لارښونې لپاره ټاکل شوي او حالت یې د لوط علیه سلام د قوم غوندې دی چې داسې به یې ویل:

﴿أَخْرِجُوهُمْ مِنْ قَرْيَتِكُمْ إِنَّهُمْ أُنَاسٌ يَتَطَهَّرُونَ﴾

[اعراف: 28]

ژباړه: دوی له خپل ښار او کلي وباسئ، دوی داسې خلک دي چې پاکلمني غواړي(له موږ سره همغږي نه دي)

چینایان له مسلمانانو سره پر دین، صداقت او لویۍ باندې کینه کوي. پر مسلمانانو د چین د ملحد دولت زورواکي د دوی  په ادعا چې ترورېست دي نه ده؛ بلکې دوی چې پر شکنجه او عذاب باور لري دا زورګویي د اسلام او مسلمانانو پر وړاندې له صلیبي یرغل پرته بل څه نه دي، هغه یرغل چې د زورواکۍ راس(امریکا) یې رهبري کوي.

پر دې سربېره چې د ختیځ ترکستان مسلمانان ترکي اصلیت لري، د اسلام او  مسلمانانو په تړاو د ترکیې د حکامو ظلم او نفرت د چین تر حکامو کم نه دي. د اسلام او مسلمانانو پر وړاندې جګړه کې د ترکیې حکامو له امریکا سره لاس یو کړی دی. که د ترکیې حکامو له اسلام سره کومه وفاداري او دوستي لرلی او ان که د نژاد پرستي یو ارزښت هم پکې وی، د ترکیې خلکو او اردو  به د ختیځ ترکستان د مسلمانانو فریادونو ته د ځواب توان درلودلی. د ترکیې خلک او اردو یې چین، اسلام او مسلمانانو ته په احترام او ان جزیې ورکولو ته اړ کولی شي، هماغه شان چې پخوانیو یې داسې کړي وو.

همدارنګه د چین له پولو سره هستوي کاونډی دولت پاکستان، د ترکستان د مسلمانانو وضعیت یوه داخلي چاره بولي، د پاکستان اوسنی ولسمشر ووایي چې د پاکستان حکام پر هغه څه چې د چین ظالم حکام یې ترسره کوي، باور لري او د خپلو وروڼو او کاونډیانو د حقونو په تر پښو لاندې کولو باندې یې د چین په جنایتونو غوږونه او سترګې پټې کړي دي. هو! د پاکستان دولت و چې کشمیر یې له هېڅ قېمت پرته په هغو کسانو وپلورلو، چې له چین څخه یې څو ځلې کم ځواک او کمزورې ارودو درلوده. داسې حکام څنګه چین له خپله ظلمه منعه کولی شي، په داسې حال کې چې دوی خپله د چین غوندې ظالمان دي.

د چین حکامو! پر مسلمانانو د مزدرو او ډارنو حکامو پر واقعیت مه غولېږئ او په خپله ګمراهې باندې ټنګار مه کوئ، ځکه د مېلیاردي امت واقعیت له خپلو حکامو سره توپير لري. په دغه امت کې تر اوسه خیر شته او په همدې دلیل د امریکا په مشرۍ د غربي کفارو ځواکونه په ټول سرعت د امت پر وړاندې جګړه پیل کړې ده او د مسلمانانو ټيټ پوړي چارواکي هم ورسره ملګري دي او تاسې هم د خپلې سیاسي ناپوهۍ او جهالت له مخې د هغه غوره امت پر وړاندې ودرېدئ، چې د خلکو د لارښونې لپاره ټاکل شوي دي. تاسو هغه زبر ځواک هېر کړی چې نه په اوږدمهال او نه په لنډ مهاله کې مو ګټې ګواښلې دي، په پوهۍ او ناپوهۍ سره د امریکا له موخو غافله شوي یاست، د هغه واقعي دوښمن له موخو چې په کمین کې درته ناست دی او شپه او ورځ چل او فریب درسره کوي، هغه دوښمن چې که هر وخت وغواړي، له خاورو سره مو خاورې کولی شي. خپلې جنګي بېړۍ په حرکت راولي او په اصطلاح د هغو پیسو په مقابل کې یې خپل غلامان ګرځولي یاست چې پرې د چاپ شوو مرکبونو ارزښت هم نه لري. ایا تاسې هماغه سیاسون یئ، چې ځان د صدارت او چوکۍ لایق ګڼئ. تاسې هغه کسان یې چې پر کمزور زورواکي او د مکارې کیدړې پر وړاندې ذلیلانه فرمان برداري کوئ یا شرم نه کوئ او له خپلې ګمراهۍ څخه نه اوړئ.

اې د چین حکامو! خبر اوسئ چې د نبوت پر منهج دویم راشده خلافت به د الله سبحانه وتعالی په خوښه ډېر ژر تاسیس شي چې درنه د څاڅکو څاڅکو توی کړیو وینو او هغو عزتونو چې تر پښو لاندې مو کړي، حساب اخلي. مخکې تر دې چې وخت له لاسه ورکړئ، له خپلو جنایتونو لاس واخلئ، ځکه خلافت د رسول الله صلی الله علیه وسلم په وینا د ځمکې پاچاهانو ته ویل:

«أسلموا تسلموا" فإن أبيتم فإنّ عليكم إثمكم وإثم من تبعكم من الغاوين»

ژباړه: اسلام راوړئ چې سالم پاتې شئ، که نه ستاسو او د هغو ګمراهانو مسئولیت مو پر غاړه دی، چې له تاسو پیروي کوي.

تاسو ته بل څه نه وایي. موږ مو د خپلو کارونو له پایلې خبروو. ستاسې له جنایتونه څخه یوازې یو جنایت بسنه کوي، چې د امت پر دین او عزت د تېری کوونکو پر وړاندې د اسلامي امت له خوا کورنۍ جګړه پیل شوې. تاسې باید د مسلمانانو له تاریخه درس واخلئ او په یاد ولرئ، چې زموږ خلیفه معتصم بالله د یوې ښځې د فریاد په خاطر چې رومیانو بندي کړې وه او د وامعتصما نارې یې وهلې، یو ښار فتحه کړ. خلیفه ولید بن عبدالملک د «دبیل» بحري غلو ته، چې د «داهر» پاچاهانو په خبر یې جنایت کاوه، خپل قومندان محمد بن قاسم ته یې د «سند» د فتحه کولو امر وکړ او په ۹۰هـ.ق کال کې دغه قومندان ۱۸ بېړۍ له غنیمتونو، لامبووهونکو(دریانوردان)، مسلمانو ښځو او سورلۍ سره وژغورلې. زموږ قومندان قتیبه بن مسلم باهلي مو هېرکړی، څوک چې تاسو اړ کړ څو خپل قسم پوره کړي او پادشاهان مو وټاکي او پرخاوره مو قدم کېښود او تاسو ذلیلانه جزیه ورکوله.

له الرایه جریدې اخیستل شوې

لیکوال: بلال المهاجر

ژباړن: زمری دوست

(ژباړه)

له شک پرته که د پاکستان مرسته او اسانیتا نه وي، امریکا اړ ده چې له افغانستان څخه ووځي. امریکایي چارواکي د «اسانتیا او فشار» له پالیسۍ څخه په ګټې اخیستنې له پاکستان څخه غواړي چې د سولې خبرو په لړۍ کې د اسانتیا په واسطه امریکا په افغانستان کې له ماتې او بشپړو تلو وژغوري. د امریکا د مرکزي قومندانۍ قومندان جنرال جوزف ووټل د ۲۰۱۹م د فبرورۍ پر پنځمه د سنا د نظامي خدمتونو کمیټې غړو ته په خبرو کې وویل: «زموږ پام د سیمې اصلي لوبغاړي پاکستان ته دی، تر څو د سیمه ییز مقاومت د انګېزو د کمزوري کولو لپاره هڅې وکړي او د افغانستان او ټولې ختیځې اسیا د سولې په بهیر کې خپل بنسټیز رول ولوبوي.» جنرال ووټل همدانګه زیاته کړه: «د سیمې امنیت او سولې لپاره زموږ متمرکزې شوې ستراتیژۍ ته په کتو پاکستان ته یوه ښه موکه ده، ترڅو د امریکا له هڅو څخه د ملاتړ لپاره خپلې ژمنې پر ځای کړي، چې  د افغانستان د جګړې په اړه د خبرو د یوې هوکړې پر تر لاسه کېدو متمرکزې دي.»

‏امریکا له اوو سیندونو څخه تل له ماتې څخه د مخنیوي لپاره د یو سیمه ییز اسانوونکي په توګه په پاکستان پورې تړلې ده.  پاکستان د امریکا د نظامي برید لپاره د اړیکو د کرښې اسانه کولو لپاره تر ټولو غوره ټاکنه ده. پاکستان د امریکا د جګړې هڅې د هوایي دهلېزونو، هوایي اډو، استخباراتو او تدارکاتي کرښو په امن کېدو سره اسانې کړي. هر کله چې د افغان مجاهدینو مقاومت لوړېده، پاکستان د امریکا د خصوصي او نظامي شبکې او سل ګونو استخباراتي افسرانو ته په خپله خاوره کې لاره اسانه وله. تر دې وروسته امریکا د پاکستان له نیکیو او مرستو څخه په مننې له همدغو نظامي شبکو څخه په ګټې اخیستنې د افغانستان او پاکستان په سرحدي سیمو کې د هند په مرسته خپله جګړه طرحه کړه؛ ترڅو پر پاکستان خپل احسان واچوي او د افغانستان د سولې په خبرو کې له پاکستان څخه وړیا اساني تر لاسه کړي. تر دې هم وروسته، زر ځله کله چې افغان مجاهدین د امریکا پر وړاندې په مقاومت کې مخکې کېږي، همدغه پاکستان دی چې د امریکايي ځواکونو نظامي عملیات په ټبریزو (قبیلوي) سیمو کې اسانوي، تر څو د مجاهدینو سرحدي بریدونه پر ناټو، افغان دوکه شوې اردو او امریکا له منځه یوسي. هر کله چې د مقاومت کوونکو او مجاهدینو لاسته راوړنې دوام کوي، پاکستان د امریکا پلان د ډیورنډ دیوال په جوړولو سره اسانوي، ترڅو په افغانستان کې د امریکا او متحدنیو لپاره امنیتي تدبیر وي؛ لکه څنګه چې اوس امریکا له افغانستان څخه له سپکاوي ډکو بشپړو وتلو په ځنډه کې ده. پاکستان په خپل منافق صفت یو ځل بیا د طالبانو او امریکا تر منځ د خبرو په پیلو سره د امریکا برنامې اسانوي، تر څو یوه سیاسي معامله لاسلیک کړي، چې په افغانستان کې به د امریکایي سرتیرو، خصوصي نظامیانو، تړونونو او اډو د تل پاتې شتون لامل شي.

‏ په ورته وخت کې به د افغان سولې خبرې په افغانستان کې د هند نفوذ کم نه کړي، بلکې د تېر په پرتله به یې ډېر پیاوړی کړي. د دې تر څنګ به خبرې د امریکایي ځواکونو له لوري پاکستان ته ګواښ هېڅ وخت کم نه کړي، بلکې امریکا به په افغانستان کې خپل شتون ثابت کړي، که هر څومره په استانه کې له افغانستان څخه د وتلو موضوع هم وي. دغه خبرې هېڅکله پاکستان ته دا اجازه نه ورکوي چې خپل قدرت پیاوړی کړي، بلکې امریکا به یو وحشي ځناوړ ته وده ورکړي، چې هند به یې پیدا کوونکی وي. د دفاعي توغندیو (MDR) څېړنې په بهیر کې امریکا له  هند سره د دغه هېواد د دفاعي بالستیکي توغندیو (BMD) ظرفیت لوړېدو ژمنه وکړه. د ملي اطلاعاتو اداره کوونکې (s’DNI) د نړیوال ګواښ په راپور (GTAR) کې په ټکر کې جملې بیان کړې دي: «امریکا په رسمي ډول پاکستان د خپل یو دښمن په توګه پېژني.» پر دې سربېره، هند ته د فاعي پرمختللې ټکنالوژۍ او د غربي رژیمونو له لارې اټومي ټکنالوژي، چې دغه ټکنالوژي یې تر خپل کنټرول لاندې ده، د توغندیزې ټکنالوژۍ رژیم (MTCR)، د اسټرالیا ګروپ (AG) او اټومي تدارکاتي ګروپ (NSG) ورکول کېږي. همدارنګه له هند سره دوه اړخیزې دفاعي او لوژستیکي هوکړې هم لاسلیک کېږي.

د امریکا د نظامي متحدینو برنامو اسانول په حقیقت کې یوه اړخیزه ملګرتیا ده چې په پایله کې به نه یوازې د امریکا به ګټه، بلکې د غلام صفت او اسانوونکي هېواد په زیان تمامه شي. د امریکا او پاکستان ملګرتیا یوه استثنا نه ده او نه به وي. هر کله چې اسلام حاکم شي، د حکومتولۍ لوبې بدلوي، ځکه هېڅکله به ښکېلاکګرو ته د اطاعت لپاره سر ټیټ نه کړي. اسلام له نورو کفري هېوادونو سره نظامي اتحاد رد وي او پر ځای یې نه یوازې د یو لوی قدرت پر رامنځته کېدو تمرکزو کوي، بلکې د یو ځواکمن نړیوال قدرت په هڅه کې به وي. دغه امر په لومړیو کې د دولت صنعتي کېدل اړین بولي. نو پر همدغه بنسټ، د خپل صنعت په ودې او د وسلو په تولید کې په ځان بسیاینې سره به سیالي وکړي. اسلامي دولت د سود پر بنسټ پورونه د ځانګړو شرایطو تر چتر لاندې رد وي او پر ځای یې یو پیاوړی، خپلواک اقتصاد د اسلام د اقتصادي نظام تر شرایطو لاندې رهبري کوي. اسلام د دولت ـ ملت محدودیت له منځه وړي. په اصل کې د خلیفه په اړه یو غلط تصور و، چې دا پخپله د خلیفه او اسلامي خلافت پر وړاندې یو تور (تهمت) دی. پر همدغه اساس، اسلامي خلافت دولت به له بیا تاسیس کېدو وروسته د مسلمانانو پر یووالي او یوځای کېدو تمرکزو وکړي. همدا اوس د نبوت پر تګلاره د ثاني خلافت بیا تاسیس کېدو اړین وخت دی.

لیکوال: مصعب عمير-ولایه پاکستان

د حزب التحریر ـ مرکزي مطبوعاتي دفتر لپاره

ژباړن: بهیر «ویاړ»