نن د ۱۴۴۳ هـ ق کال د محرم پر اوومه، چې د ۲۰۲۱م کال د اګست له ۱۵مې نېټې سره سمون خوري، د نړۍ مسلمانان کابل ته د افغان مجاهدینو د ننوتلو له امله خوښي لمانځي. بل لور ته امریکا په چټکۍ په وتو ده او د غرب مزدور اشرف غني هم تښتېدلی. په دې ډول په ساده وسلو سمبالو زرګونو مجاهدینو د دریم استعمارګر ځواک غرور تر پښو لاندې کړ. کټ مټ هماغسې لکه د دوی پلرونو او نیکونو چې تر دې مخکې د شوروي اتحاد او بریتانوي امپراتورۍ غرور له خاورو سره خاورې کړ. اوس داسې یو متحرک ځواک را منځ ته شوی چې دا خبره یقیني کوي چې په سیمه کې په پوره توګه د امریکا ریښې له بېخه ایستل شوي، داسې چې بیا هیڅکله دلته وده ونه کړي. هماغسې چې د بریتانوي هند او پخواني شوري اتحاد د ځواکونو له وتلو وروسته، د دوی ریښې وچې او هیڅکله یې بیا سر را پورته نه کړ.

اې  د پاکستان مسلمانانو!

د دې وخت دی چې د پرځېدونکې امریکایي استعمار واکمنۍ ته وروستی ګزار ورکړئ!

اوس یو متحرک قوت  ایجاد شوی او غواړي چې د ځمکني او هوایي اکمالاتو لارې چې زموږ له اسمانونو او خاورې تېرېږي وتړل شي، ځکه دا په سیمه کې د امریکا د تخریبي لاسوهنې لپاره حیاتي ارزښت لري. تر هغو چې د پاکستان حکام د امریکا اکمالاتي لارې پرانستې پرېږدي د امریکا تخریبي حضور به پر خپل ځای وي او لا به وده کوي.

اوس یو متحرک قوت ایجاد شوی او غواړي په اسلام اباد کې د امریکا د سفارت او کراچۍ کې د امریکا د قونسلګرۍ جاسوسي اډې وتړل شي. دا هغه مداخله‌ګرې سترګې دي چې په ورځ کې ۲۴ ساعته او د اوونۍ اوه ورځې پرانستي وي، که دا نه وي د امریکا ټوله اداره به ړنده شي.

که نور هم د پاکستان حکام د امریکا استخاراتي اډو ته اجازه ورکړي، نو زموږ محرم نظامي او استخباراتي اړیکې به خوندي نه وي او امریکا به زموږ په سیمه کې پاته وي.

اوس یو متحرک قوت ایجاد شوی او غواړي د امریکا، د هغې د سیمه‌ییزو لاسپوڅو او افغان مجاهدینو تر منځ د خبرو اترو له بهیر سره روانه مرسته ودرېږي. دا په اصل کې د کفر له لورې هغه غولونکې تګلاره ده چې غواړي مسلمانانو ته د خبرو اترو د وړاندیز له لارې زیانونه په مسمانانو تحمیل کړي او ګټې خپلو ځانونو ته خوندي کړي. دوی هله دا کار کوي چې پوه شي اسلامي امت د جګړې په ډګر کې بریا خپلولی شي او په دې ډول خپلې ګټې تضمینوي او ماته جبرانوي. تر څو چې د پاکستان حکام د خبرو اترو اسانتیاوې برابروي، دښمن ته به د مخ پر دراوزې له وتلو وروسته د شا له دروازې څخه د بیا داخلېدو لار خلاصه وي.

اوس یې وخت دی چې پر پرځېدونکې امریکایي استعمار وروستی ګزار وشي او له امریکا سره د ټولو نظامي ملګرتیاو او اقتصادي اړیکو د پای ته رسولو غوښتنه وشي، ځکه دا هیواد د اسلام او مسلمانانو ښکاره دښمن دی او له نورو دولتونو سره د اسلام پر وړاندې د دښمنۍ په پاللو کې مرسته کوي . موږ باید د حکامو له دې سترې ګناه څخه ځانونه لرې وساتو، ترڅو د الله تعالی له غضب او عذاب څخه خلاص شو.

الله سبحانه وتعالی فرمایي:

إِنَّمَا يَنْهٰىكُمُ اللَّهُ عَنِ الَّذِينَ قٰتَلُوكُمْ فِى الدِّينِ وَأَخْرَجُوكُم مِّن دِيٰرِكُمْ وَظٰهَرُوا عَلٰىٓ إِخْرَاجِكُمْ أَن تَوَلَّوْهُمْ ۚ وَمَن يَتَوَلَّهُمْ فَأُولٰٓئِكَ هُمُ الظّٰلِمُونَ ]الممتحنه: ۹[

ژباړه: "بېشکه همدا خبره ده چې الله سبحانه وتعالی تاسې د هغو خلکو د دوستۍ څخه منع کوي، چې ستاسي سره د دين په معامله کښې جنګېدلي دي، تاسي یې د خپلو کورونو څخه ایستلي یاست او ستاسي په ايستلو کښي یې يو د بل ملاتړ کړی دى. له هغو سره چې كوم كسان دوستي وکړي، همغوى ظالمان دي"

اې د پاکستان وسلوالو ځواکونو او مجاهدینو!

پاکستان، افغانستان او منځنۍ آسیا څخه د خلافت واحد دولت جوړ کړئ!

پوه شئ! چې د اسلامي دولتونو ترمنځ پولې د استعمارچيانو هغه حربه ده چې موږ کمزوره وي، ويشي او راباندې مسلط کیږي. په داسې حال کې چې د اسلام تر بیرغ لاندې، زموږ قدرت په واحد دولت کې زموږ په وحدت کې پروت دی.

زموږ په سيمه کې د ډيورنډ تپل شوې کرښې افغانستان کمزوری کړی دی، او د افغانستان د اسلامي امت د دښمنانو لکه، روسيې له ۱۹۸۹ م کال څخه مخکې، هند او امريکا له ۲۰۰۱م کال راهيسې له دوامدارو لاسوهنو، بهرني نفوذ او اشغال سره مخ کړی دی. دا د ډيورنډ کرغېړنه کرښه ده، چې د افغانستان باعزته مسلمانان يې د سترو لوبو، دسيسو  او دوه مخه لوبو له امله په خپله سيمه کې له قربانۍ او کډوالۍ سره مخ کړي دي او له امله یې سل ګونه زره شهيدان ورکړي دي. دا د ډيورنډ کرغېړنه کرښه ده، چې د مسلمانانو ترمنځ يې بې باوري، کرکه او دښمني رامنځ ته کړې او د دوی ترمنځ يې درز رامنځ ته کړی، ترڅو کفار وکولی شي له شمال، سوېل، ختيځ او لوېديځ څخه د ورانکارو شېطانانو په څېر په اسانۍ افغانستان ته دننه شي.

زموږ سيمې ته د دښمنانو د دننه کېدو د مخنيوي غوره طريقه دا ده، چې د پاکستان، افغانستان او مرکزي اسيا په يوځای کولو سره يو واحد اسلامي خلافت رامنځ ته کړو. له شک پرته، زموږ ځواک د مسلمانانو له دښمنانو سره، هغه که په ختيځ کې چين يا لوېديځ کې امريکا ده د ايتلاف، پر هغوی د باور او تکيې له لارې نه پياوړی کېږي. زموږ ځواک د يو امت او يو دولت، يو پوځ او يو اقتصاد په توګه د اسلامي خلافت تر چتر لاندې د الله سبحانه وتعالی د رضايت په موخه د رسول الله صلی الله علیه وسلم د امت په يوځای کولو کې نغښتی دی، چې الله سبحانه وتعالی په دې اړه فرمايي:

الَّذِينَ يَتَّخِذُونَ الْكَافِرِينَ أَوْلِيَاءَ مِن دُونِ الْمُؤْمِنِينَ ۚ أَيَبْتَغُونَ عِندَهُمُ الْعِزَّةَ فَإِنَّ الْعِزَّةَ لِلَّهِ جَمِيعًا [النساء: ۱۳۹]

ژباړه: "هغه كسان چې له مومنانو پرته كافران دوستان نیسي، ایا دوى د هغوى په خوا كې عزت لټوي؟ نو بېشكه عزت ټول د الله سبحانه وتعالی لپاره دى"

 اوس په تاسو اړه لري چې خپل ځواکونه د ډيورنډ کرښې په له منځه وړلو سره، چې تاسې يې د خپل دښمن پر وړاندې سره ويشلي او کمزوري کړي ياست، د وروڼو په څېر په يوه صف کې د امريکا او هند پر ضد ودروئ، لکه څرنګه چې مخکې د شوروي اتحاد پر ضد درېدلي واست.

د نړيوال نظم يا د دې نظم د استعماري ساتوونکو موافقه په پام کې مه نيسئ، له دوی سره مذاکرات مه کوئ، ځکه دا مذاکرات يوه لومه ده چې اسلامي امت باندې د ګذار لپاره کار ترې اخيستل کېږي. هغه خوله، وينه، زور او ځواک چې  د الله سبحانه وتعالی په لاره کې د جهاد له لارې تاسو د دې سيمې د نيولو لپاره کارولی دی، استعمارچيان او د هغوی مزدوران غواړي د مذاکراتو له لاري تاسې په لومه کې ښکېل کړي. اوسنی نړيوال نظم زموږ د دورې د جنايتکارو دولتونو نظم دی، هغوی له لاتيني امريکا تر سوېلي ختيځي اسيا پورې ټوله نړۍ به بې رحمه ډول وزبېښله.  ياد نړيوال نظم د اوسني غربي حاکمانو او د هغوی شريرو سلفو رامنځ ته کړی و، ترڅو د اسلامي خلافت د پرمختګ مخه ونيسي- هغه خلافت چې د غربي دولتونو تر پلازمينو رسېدلی و. د دغه بې رحمه صليبي نظم له امله د میليونونو اسلامي پوځونو له شتون سره، سره د فلسطين، اشغال شوي کشمير او نورو اسلامي خاورو د ازادۍ مخه د ډېر وخت راهيسې ډب ده. نن ورځ د حق دين په برکت، اسلامي امت ګڼې سرچينې او بشري ځواک لري چې په مټ يې ياد فاسد نظم نسکورلی او بشريت ته ښيرازي ورکولی شي او خالص نظام د الله سبحانه وتعالی د حکمونو سره سم تاسيسولی شي، لکه څرنګه چې د خلافت په دوره کې ياد نظام په پيړيو پيړيو دوام وکړ.

د اوسنيو  حکامو تېرايستنې، درواغ، لومې او خيانتونه بس دي. هغوی د اسلامي امت پر اوږو يو بار دی چې بايد ستاسې په لاسونو لېري شي. همدا اوس حزب التحرير ته په نصرت ورکولو سره د رسول الله صلی الله عليه وسلم پر منهج خلافت بيا ځلې تاسيس کړئ، چې په ترڅ کې به يې د امت نظامي ځواک او اقتصادي سرچينې سره يوځای او په مټ به يې استعمارګره امريکا نسکوره او خلافت به د يو سيمه ييز ځواک په توګه راڅرګند شي او په دې ډول به د نړۍ مخکښ دولت شي. الله سبحانه وتعالی فرمايي:

إِن يَنصُرْكُمُ اللَّهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّهِ فَلْيَتَوَكَّلِ الْمُؤْمِنُونَ
[آل عمران: ۱۶۰]

ژباړه: "كه چېرې الله سبحانه وتعالی ستاسو نصرت وكړي، نو بیا پر تاسو باندې هیڅوك غالب کېدونکی نشته او كه چېرې ستاسو نصرت ونکړي، نو څوك دى هغه كس چې له هغه (الله) نه وروسته به ستاسو نصرت وكړي؟ نو لازمه ده چې مومنان خاص په الله سبحانه وتعالی باندې توكل وكړي"

د روان کال د زمري په ۱۷مه نېټه د کندز په جګړه کې د یوه هاوان د لګېدلو له امله د حزب التحریر غړی حمید الرحمن شریفي په شهادت ورسېد.

إِنَّا لِلَّهِ وَإِنَّا إِلَيْهِ رَاجِعُونَ!

شریفي د اقتصاد له پوهنځي فارغ او د حزب التحریر فعال غړی و. نوموړي تل هڅې کولې چې د نبوت پر منهج د راشده خلافت د بیا تاسیس لپاره له اخلاصه ډکې قربانۍ ورکړي. الله سبحانه وتعالی یې د شهادت په خپل دربار کې قبول او نوموړي ته د اسلام د لومړنيو شهیدانو مقام ور په برخه کړي.
د افغانستان روانه جګړه د امریکا د شل کلن ښکېلاک پایله ده، چې د «ترورېزم» پر وړاندې د جګړې په نامه یې د اسلام او مسلمانانو پر وړاندې پیل کړه. له همدې امله په افغانستان کې د امریکا نیت او ستراتيژي له پیله د ټیکاو او سولې راوستل نه وو، بلکې د اسلام او مسلمانانو د ځپلو لپاره یې پر دغه خاوره یرغل وکړ.
له شک پرته چې امریکا د میلیاردونو ډالرو د لګولو سربېره هم په افغانستان کې ماتې وخوړه، له همدې امله له بوش نېولې تر اوباما او له ټرامپ نېولې تر جوبایډن پورې سخت ځورېږي. د سوریې، عراق، یمن او لېبیا غوندې د افغانستان په هر سړک او کوڅه کې د جګړې لمبې د بې ثباتۍ لپاره د امریکا نیت څرګندوي. هغه کسان چې تېر شل کلونه یې په امریکا اعتماد وکړ او اوس هم تمه کوي چې امریکا به د مرستې لاس ورکړي، له ښکېلاکګرو سره د ملګرتیا پایله یې باید اوس درک کړې وي، چې د خلکو پر برخلیک څه کوي. ښکېلاک نه یوازې دا چې جګړه او ناامني کمه نه کړه، بلکې فساد، بې وزلي، بې کاري، کډوالي او تر ټولو مهمه دا چې د غربي ارزښتونو ترویج یې ډېر کړ.
اوسمهال د جګړې د زیاتوالي او همدارنګه د امریکا د B-52 الوتکو له بمبار سره هره ورځ لسګونه او حتا سلګونه ملکي خلک مړه او زخمیان کېږي. سربېره پر دې ډلې ډلې خلک له خپلو کورونو بې ځایه کېږي.
پر همدې بنسټ؛ د افغانستان سیاسي مشران، متنفذین او علما‌ء باید د امریکا او غرب شل کلن ښکېلاک، وژنې او جنایتونه په یاد ولري او د دوی او د دوی د لاسپوڅو پر وړاندې باید ودرېږي، څو د غرب دا فاسد نظام له جګړې، ظلم او بدبختیو سره یوځای له موږ څخه کډه شي. د همدې لپاره د حزب التحریر له دعوتګرانو سره د نبوت پر منهج د خلافت د نظام د جوړولو لپاره لاس په کار شئ. هغه نظام چې د الله سبحانه وتعالی د خوشالۍ او د خلکو د ځانونو، مالونو او مقدساتو د ساتنې سبب کيږي. لکه څنګه چې حمید الرحمن شریفي هم له هغو کسانو څخه و، چې همدغې موخې ته یې دعوت کاوه او د همدغو دعوتګرو د سرښندونو پایله ده چې نن د افغانستان په ګوټ ګوټ کې زرګونه کسان د اسلامي ژوند د بیاراتګ لپاره کار کوي. 

مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا [احزاب: 23]
په مومنانو کې داسې سړي دي، چې له الله سبحانه وتعالی سره په خپلو کړیو ژمنو کې ريښتیني دي، ځینو خپلې ژمنې پوره کړلې (د شهادت شربت یې وڅښل) او ځینې نور منتظر دي او دوی په خپلو ژمنو کې هېڅ بدلون نه دی راوستلی.
د حزب‌التحریر - ولایه افغانستان مطبوعاتي دفتر

د افغانستان جمهور رییس اشرف غني د ځینو سیاسي مشرانو او قومي متنفذینو سره د جمهوریت پر پایښت او دوام ټینګار وکړ او د دولت د وسلوالو مخالفینو د بریدونو پر وړاندې د ولسي پاڅونوالو د انسجام، همغږۍ، پیاوړتیا او چټک تجهیز پر سر تفاهم ته رسېدلي دي.

د حزب التحریرـ ولایه افغانستان مطبوعاتي دفتر مخلصو قومي متنفذینو او سیاسي مشرانو ته خبرادری ورکوي، چې په دې ویجاړوونکې جګړه کې خلک ښکېل نه کړي او د اوسني وراسته، فاسد او وینه څښونکي نظام د حاکمیت د پیاوړتیا لپاره د مسلمانو ځوانانو وینې بې ځایه تویې نه کړي. 
حاکم ټيم هغه څو پاسپورته فاسد کسان دي، چې د افغانستان د خلکو د شتمنۍ پر غلا بوخت دي او د وضعیت له ترینګلتیا سره غرب ته تښتي. دغه پوړکی د دې خاورې خلکو ته په هېڅ ارزښت او اهمیت نه دي قایل. مګر اوس چې د مرګ او ژوند له برخلیک سره لاس او ګرېوان دي او د قدرت ستنې یې لړزېدلې دي، نو مشرانو او متنفذینو ته یې رجوع کړې، څو د دوی د نفوذ په کارولو او په جګړه کې د خلکو په ښکېلولو سره یې فاسد حاکمیت څو ورځې نور هم وغځېږي. 
اوس د دې وخت را رسېدلی دی چې مخلص سیاسي مشران او قومي متنفذین په داسې حال کې چې خلک له هرې خوا کورنیو او بهرنيو فتنو کلابند کړي دي، هوښیاري وکړي، خپل اصلي رسالت ته پام وکړي او خپل شرعي تکلیف ادا کړي، څو هسې نه چې د پردیو د شومو پلانونو په دام کې ولوېږي او د وینې بهېدو د مخنيوي پر ځای، د جګړې د لمبو په زیاتولو کې مرسته وکړي. ځکه د ښکېلاکګرو قدرتونو، د دوی د لاسپوڅو او جاسوسي شبکو اصلي موخه د افغانستان د خلکو وژل او د ګډوډۍ راوستل دي، څو د زیاتو وینو په بهولو سره زیاته ګټه تر لاسه کړي. نو په داسې ګټوره او وینه بهوونکې سوداګرۍ کې باید ولسي پاڅونوال ګډون ونه کړي او خلک د لاسپوڅي او فاسد نظام د لومړۍ کرښې مدافعین ونه ګرځول شي. که نه، په جګړه کې د خلکو د ښکېلولو او هڅولو په اړه دغو مشرانو ته دغه آیت لوی خبرداری دی:

وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا [نساء:93]
که چا یو مومن مسلمان قصداً وواژه، نو جهنم به یې سزا وي او د تل لپاره به هلته وي او د الله سبحانه وتعالی په غضب به اخته وي او له خپل رحمت څخه یې لرې کوي او لوی عذاب یې ورته چمتو کړی دی.

د دې پر ځای حزب التحریر په افغانستان کې د امت مخلصین، ډلې، د ځواک او قدرت څښتنان دې ته رابولي؛ څو د خلافت د برخلیک ټاکونکې قضیې فرضیت او اهمیت درک کړي او پوه شي چې د افغانستان او سیمې د ستونزو حل، د سولې په پروسه او د جګړې په دوام کې نه دی نغښتی، بلکې د خلافت په تاسیس او د اسلام په هر اړخیز تطبیق کې نغښتی دی. نو په دې لاره کې له حزب التحریر سره یو ځای شئ او پوه شئ، چې د الله سبحانه وتعالی د مرستې لاس له هغو لاسونو سره دی چې اسلام اقامه کوي او هغه ته نصرت ورکوي.

د حزب‌التحریر - ولایه افغانستان مطبوعاتي دفتر

خورا چټک او د وړاندوېینې نه وړ بدلونونو یو ځل بیا افغانستان په یو داسې ځای درولی دی، چې ګڼ سیاسي لوري، قومي مشران او متنفذین د افغانستان د راتلونکي نظام په اړه پرېکړه کوي.  

د حزب التحریرـ ولایه افغانستان مطبوعاتي دفتر ټولو سیاسي مشرانو، قومي متنفذینو، پخوانیو مجاهدینو، ډلو، د قدرت او ځواک څښتنانو ته وریادوي چې افغانستان د یوه تاریخي فرصت په درشل کې دی، چې دوې ټاکنې يې په مخ کې دي: لومړۍ ټاکنه؛ د الله د دین اقامه کول او د خلافت جوړول او دوهمه ټاکنه؛ بشري نظامونه او د تېرو ترخو تجربو تکرار دی.

اوسمهال امریکا، اورپا، ملګري ملتونه او د سیمې هېوادونه له ګڼو سیاسي لوریو سره د یوه داسې مشارکتي نظام په طرحه باندې کار کوي چې اسلامي مختاړی او وروستاړی به لري، د نړیوالو قوانینو پیروي به کوي، په ملي پولو پورې به محدود وي او د سېکولرېزم او اسلام مشترکه ګډوله به وي. څو د افغانستان راتلونکی نظام د نړیوالې ټولنې د منلو وړ وګرځي. داسې نظام چې په هغو کې څېرې بدلې شوې وي، اما قوانين، د نظام بنسټونه او جوړښت يې پرځای پاتې وي. په تېرو څو لسیزو کې پر دا ډول نسخو باندې منګولې لګولو، افغانستان کورنیو جګړو، ړنګېدو او سیاسي ګډوډیو ته بېولی و، چې ورپسې یې ښکېلاک ته لاره هواره کړه.

له بل اړخه، د زیاترو افغانانو غوښتنه د اسلامي دولت جوړول او د اسلام حاکمیت دی. دا یو داسې فرصت دی، چې د ښکېلاکګرو پر وړاندې له کلونو سیاسي، فکري او پوځي مبارزې وروسته تر لاسه شوی دی او په دومره سادګۍ او معامله باید له لاسه ونه وځي. لکه څنګه چې څو ځلې د سیاسي حزبونو او متنفذینو د تېروتنو له امله له لاسه ووت.

حزب التحریر یو ځل بیا له ټولو سیاسي مشرانو، قومي متنفذینو او ډلو د زړه له تله غواړي، چې د افغانستان د راتلونکي نظام د ډول په اړه د امریکا، ملګرو ملتونو او سیمه ییزو هېوادونو طرحه په غوڅه توګه رد کړي او پرېنږدي،  چې د اسلام د حاکمیت په لاره کې مو ورکړې قربانۍ یو ځل بیا معامله شي او مطلوبې پایلې ته ونه رسېږي.  رښتیا خبره دا ده چې افغانستان او سیمه په خپل زړه کې خورا لوړ فکري، سیاسي، اقتصادي او پوځي ظرفیتونه روزلي دي، چې د الله سبحانه وتعالی د دین د اقامې غوښتنې ته د مثبت ځواب ويلو په صورت کې به ان شاء الله د نړۍ په دغه برخه کې د دغه دردېدلي قوم په مشرۍ لوی بدلونونه راشي. مګر دا هغه مهال شونې ده، چې داسې سړي شته وي، چې په دغه موخه ایمان ولري او د سختیو پر وړاندې استقامت وکړي او د عمل معیار یې شرعي حکم وي. د انصار الله کېدلو فرصت او د دین اقامه د هغو خلکو لپاره یو لوی فرصت دی، چې غواړي د اصحابو کرامو پر لاره قدم کېږدي او د جنت باغونو ته د دنیا په ژر پناه کېدونکو خوندونو باندې ترجېح ورکړي. د هوښيارانو لپاره څومره یو ستر فرصت دی!

َا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ [انفال:24]

اې هغو کسانو چې ایمان مو راوړی دی، د الله متعال او د هغه د رسول «ص» غوښتنه ومنئ، کله چې تاسو داسې یو څه ته رابولي چې په هغه کې مو ژوند دی او پوه شئ چې الله متعال د انسان او د هغه د زړه ترمنځ حایل کېږي او د قیامت په ورځ به د همده خواته راټولېږئ.

د حزب‌التحریر - ولایه افغانستان مطبوعاتي دفتر